india

سوال # 178744

موجودہ حالات کے پیش نظر جب کی گھروں میں نماز ہو رہی ہے تو کیا عورتیں جماعت میں شامل ہو سکتی ہیں؟

Published on: Apr 30, 2020

جواب # 178744

بسم الله الرحمن الرحيم


Fatwa:707-531/N=9/1441



جی ہاں! گھروں کی نماز با جماعت میں مردوں کے ساتھ وہ عورتیں شامل ہوسکتی ہیں، جن کا جماعت میں شامل مردوں سے پردہ نہ ہو؛ البتہ عورتوں کی کی صف مردوں کے پیچھے ہوگی۔ اور جن عورتوں کا جماعت میں شامل مردوں سے پردہ ہو، وہ جماعت میں شامل نہ ہوں؛ بلکہ اگر جماعت کے لیے گھر میں دو یا تین مرد ہوں تو عورتوں کو جماعت میں شامل کرنے کی ضرورت نہیں؛ کیوں کہ شریعت میں عورتوں کے لیے نماز باجماعت، کسی بھی درجے میں مطلوب ومقصود نہیں ہے؛ بلکہ عورتوں کے لیے سب سے افضل نماز، گھر کے اندر کی کوٹھری کی ہے۔ اسی طرح اگر گھر میں صرف ایک مرد ہو تو وہ جماعت کی فضیلت کے لیے صرف بیوی کے ساتھ جماعت کرلے، اس میں بھی گھر کی سب عورتوں کو شریک کرنے کی ضرورت نہیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات