India

سوال # 175265

حضرت میرا سوال ہے کہ خواتین کاچوڑی ناپہنناکیساہے، بعض خواتین کہتی ہیں کہ جوخواتین چوڑی نہیں پہنتیں ان کے ہاتھ کھانا پینا حرام ہے؟
دوسرا سوال یہ ہے کہ رات میں بلی کاروناکیساہے؟کہتے ہیں کہ رات میں بلی کارونااچھانہیں ہوتاہے؟
تیسرا سوال یہ ہے کہ ٹوٹے برتن استعمال میں لاناکیساہے؟

Published on: Dec 30, 2019

جواب # 175265

بسم الله الرحمن الرحيم


Fatwa : 334-300/D=05/1441



(۱) خواتین کا چوڑی پہننا جائز درجے کا عمل ہے، اگر نہ پہنیں تو بھی کوئی حرج نہیں ہے؛ البتہ یہ بات جو مشہور ہے کہ جو خواتین چوڑی نہیں پہنتیں ان کے ہاتھ کھانا پینا حرام ہے یہ بالکل غلط ہے، اس کی کوئی اصل نہیں ہے۔ (اغلاط العوام، ص: ۱۰، مسئلہ: ۶۲)



(ب) لوگوں کا یہ کہنا کہ رات میں بلی کا رونا اچھا نہیں یہ بے بنیاد بات ہے۔ (اغلاط العوام، ص: ۷)



(ج) ٹوٹے ہوئے برتن کے استعمال سے حدیث شریف میں ممانعت وارد ہوئی ہے، اس لیے اس کا استعمال صحیح نہیں ہے۔ ”عن أبي سعید الخدري أنہ قال: نہیٰ رسول اللہ - صلی اللہ علیہ وسلم - عن الشرب من ثُلمة القدح“ (أبوداوٴد شریف، کتاب الأشربة، باب فی الشرب من ثُلمة القدح)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات