India

سوال # 176953

شریعت کے نگاہ میں اس مسئلہ کا جواب کیا ہو گا کہ عام سڑک کے ساتھ ایک زمین تھا، جس میں دو شخص کی ملکیت تھے جس کی زمین سڑک سے جڑے ہوئے تھے اس نے اپنی زمین کو عید گاہ اور مسجد کے لیے وقف کر دیا، اب اندر والے کو اپنے زمین میں داخل ہونے کے لئے کوئی راستہ نہیں ہے ؟ تو کیا اب وہ شخص مجبوری کی بناء پر مسجد یا عید گاہ سے ہو کر اپنے زمین میں آمد و رفت کر سکتا ہے؟ ، براہ کرم مع دلیل جواب سے ہمیں شکریہ کا موقع عنایت فرمائیں۔

Published on: Feb 27, 2020

جواب # 176953

بسم الله الرحمن الرحيم


Fatwa : 583-444/B=06/1441



جو زمین مسجد یا عیدگاہ کے لئے وقف ہو گئی وہ صرف نماز پنجگانہ یا عیدین کی نماز پڑھنے کے لئے استعمال کی جائے گی اس میں کچھ حصے کو راستہ اور گذرگاہ بنانا جائز نہیں۔ اندر والے کو زمین کے وقف کئے جانے سے پہلے ہی راستہ کے لئے کچھ حصہ زمین خرید لینی چاہئے تھی۔ اب اندر والے کو چاہئے کہ اپنی زمین ، اس مسجد یا عیدگاہ کے لئے وقف کردے یا فروخت کردے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات