India

سوال # 176249

کیافرماتے ہیں مفتیان کرام اس مسئلہ کے بارے میں مسجدکے فنڈسے امام صاحب کوعید الفطرپر ہدیہ دیناکیساہے ؟ جلدازجلدجواب سے نوازیں عین نوازش ہوگی ۔

Published on: Jan 30, 2020

جواب # 176249

بسم الله الرحمن الرحيم


Fatwa:521-378/sn=6/1441



اگر آپ کے یہاں مسجد کے فنڈ سے عید الفطر کے موقع پر امام صاحب کو ہدیہ دینے کا عرف ہے بایں طور کہ مسجد میں چندہ دینے والوں کو اس کا علم ہے ، نیز اس ہدیے کی بنیاد تراویح میں قرآن سنانا نہیں ہوتا ؛بلکہ امام کی خدمات و اخراجات کا خیال کرکے سالانہ ان کی امداد کی جاتی ہے اور اِس کا قرآن سنانے سے کوئی تعلق نہیں ہوتا، چاہے تراویح میں قرآن سنائیں یا نہ سنائیں، بہرصورت ان کی امداد کی جاتی ہے تو شرعاً اس میں حرج نہیں ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات