عنوان: میں نے کہا کہ میں مصروف علی اپنی بیوی عذرا بانو کو حق زوجیت سے جدا کرتا ہوں، ایسا میں نے تین بار کہا۔ کیا اس عمل میں طلاق پورا ہوا؟

سوال: میں مصروف علی اپنی بیوی عذرا بانو کو ۵/۳/۲۰۱۷ء کو طلاق دیدی، حالت نہ سدھرنے پر ۹/۴/۲۰۱۷ء کو پھر طلاق دیدی، پھر وہی حالت رہنے پر ۱۵/۵/۲۰۱۷ء کو طلاق دیدی۔ اس کے والدین نے یہ ماننے سے انکار کر دیا اور کہا کہ ہم ایک بار میں تین طلاق کو مانتے ہیں، جس سے مجبوراً میں نے کہا کہ میں مصروف علی اپنی بیوی عذرا بانو کو حق زوجیت سے جدا کرتا ہوں، ایسا میں نے تین بار کہا۔ کیا اس عمل میں طلاق پورا ہوا؟ برائے مہربانی بتانے کی زحمت کریں۔

جواب نمبر: 15566831-Aug-2020 : تاریخ اشاعت

بسم الله الرحمن الرحيم

Fatwa : 106-92/D=2/1439

آپ رشتہ زوجیت ختم کرنے کے لیے ایک مرتبہ طلاق دے کر ازدواجی تعلق منقطع کرلیتے حتی کہ اس کی عدت پوری ہوجاتی پس نکاح بالکل ختم ہوجاتا۔

یا ایک طلاق بائنہ دے دیتے اس کے بعد نکاح فوری طور پر ختم ہوجاتا اور عدت کے بعد لڑکی کو کسی سے بھی اپنا نکاح کرنے کا اختیار مل جاتا۔ آپ نے جو طریقہ تین طلاق دینے کا اختیار کیا اس کی ضرورت نہیں تھی پھر بھی جب آپ نے تین مہینوں میں الگ الگ تین طلاق دیدی تو اس سے بیوی پر تین طلاق مغلظہ واقع ہوگئی اور نکاح بالکلیہ ختم ہوگیا۔ اس کے بعد لڑکی والوں کے کہنے پر آپ نے جو کہا میں ”عذرا بانو کو حق زوجیت سے جدا کرتا ہوں“ لغو اور فضول ہوا۔ عدت کا حکم ۵/۳/۱۷سے ہی لاگو ہوگا۔