متعلقہ سوالات

مجھے میرے شوہر نے ای میل سے تین طلاقیں دے دی ہیں جب کہ ان کو پتہ نہیں تھاکہ میں حاملہ ہوں۔ بعد میں جب ان کو بتایا تو انھوں نے مجھے اپنے گھر میں واپس نہیں بلایا اور نہ اب بچے کا خرچ دینے کو تیارہیں۔ تو کیا اس صورت میں طلاق ہوگئی یا شوہر رجوع کرسکتے ہیں؟ اور میرے بچے کا خرچ دینا کیا ان پر لازم ہے؟

میرا سوال طلاق کے ایک مسئلہ سے متعلق ہے۔ میرے سسر میرے شوہر کو ہر طریقہ سے حکم دے رہے ہیں کہ اپنی بیوی کو طلاق دے دو۔ وجہ اس کی یہ بتاتے ہیں کہ یہ مجھ سے بدتمیزی کرتی ہے۔ میرے میاں مجھے طلاق نہیں دینا چاہتے،کیوں کہ ہمارا کوئی اختلاف نہیں۔ میرے سسر کہتے ہیں کہ شریعت میں باپ کے حکم پر بے وجہ بھی طلاق ہر صورت دینی ہوتی ہے۔ علمائے دین کیا کہتے ہیں اس مسئلہ کے بارے میں (ذرا جلدی جوا ب عنایت فرمائیے گا مہربانی ہوگی) تفصیلات مندرجہ ذیل ہیں: میری شادی کے دو تین ہفتہ کے بعد میرے سسرال والے واپس امریکہ چلے گئے تھے اب سات مہینہ بعد میرے شوہر کے آنے کا ہوا تو اس سے (تین ہفتہ) پہلے میرے سسر پاکستان آگئے۔ دو ہفتے تو صحیح گزرے۔ میرے شوہر کے آنے سے ایک ہفتہ پہلے میرے سسر نے مجھے بلا کر کہا تمہیں میرے گھر میرا غلام بن کر رہنا ہوگا اور تمہارے بارے میں فیصلہ تمہارا شوہر نہیں بلکہ میں کروں گا۔ وہ میرے شوہر اور میری اچھی بات چیت کو بھی اچھی نگاہ سے نہیں دیکھتے غیر ضروری خیال کرتے ہیں۔ پھر کہا کہ میں اورمیرا بیٹا ایک ہیں تم کہاں فٹ ہوتی ہو فیصلہ کرکے بتا دو۔ فیصلہ میں نہیں کرسکتی جس پر دوسرے دن مجھے بلا کر کہا کہ تم نے فیصلہ نہیں کیا تم مجھے جوا بدہ ہو میری محکوم ہو وغیرہ۔ جس پر میں نے کہا کہ میرا فیصلہ میرا اللہ کرائے گا میں اس انتظار میں ہوں اور یہ کہ آپ میرے اللہ نہیں ہیں کہ جس کو میں جواب دہ ہوں۔ میری اس بات کو یہ وجہ بناتے ہیں میری بدتمیزی کی۔ پھر غصہ سے مجھے گھر سے نکل جانے کو کہا اور یہ کہ تمہیں طلاق مل جائے گی تمہیں بچے بھی ہوگئے تب بھی طلاق دلواؤں گا ، آدھے گھنٹہ تک مجھے طلاق دلوانے کی باتیں کرتے رہے۔ میرے شوہر کے آنے پر ان کو بھی میری غیر موجودگی میں طلاق کی بات پر لے آئے۔ میرے میاں مجھے طلاق نہیں دینا چاہتے، اس لیے کہا کہ معافی، میری بیوی معافی مانگ لے گی اورمیرے اپنے شوہر کے کہنے پر ان کی خوشی کے لیے غلطی نہ ہونے کے باوجود میں نے معافی مانگی۔ لیکن پھر بھی یہی کہتے ہیں اس کوطلاق دے دو، اور اب مجھے میرے ماں باپ کے گھر میرے سارے سامان کے ساتھ بھجوادیا ہے۔  

ایک آدمی نے اپنی بیوی کو غصہ میں یہ کہا کہ میں نے تجھے طلاق دی، دی، دی۔ تو کیا یہ طلاق ایک بار مانی جائے گی یا تین بار مانی جائے گی، جب کہ اس نے طلاق لفظ ایک بار ہی کہا ہے؟ (۲)اگر یہ ایک بار مانی جائے گی تو کیا ایک بار کے کہنے سے ہی طلاق ہوجاتی ہے یا تین بار کہنا ضروری ہے؟

میرے شوہر نے مجھے فون پر تین طلاق دی۔ میں نے تین مرتبہ طلاق نہیں سنا، لیکن وہ کہتا ہے کہ اس نے تین مرتبہ کہا ہے۔ کیا یہ طلاق واقع ہوگئی؟ جب کہ اس کے پاس مضبوط دلائل نہیں ہیں جس پر اس نے مجھے طلاق دی ہے، جیسے میری طرف سے کوئی گواہ نہیں تھا، اور نہ تو مہر ادا کی گئی ہے اور نہ ہی عدت کا خرچہ دیا گیا ہے۔ میرا ایک سال کا بچہ بھی ہے۔