عبادات - طہارت

india

سوال # 170721

وزن اٹھانے سے یا جھکنے سے یا نماز میں رکوع یا سجدہ کرتے وقت پیشاب کے قطرات آ جاتے ہیں اور ایسا اکثر ہوتا ہے۔ اسی وقت معلوم نہیں ہوتا۔ دیکہنے پر معلوم ہوتا ہے تو ایسی صورت میں وضو اور نماز ادا کرنے امامت کرنے اور تراویح پڑھانے کا کیا حکم ہوگا؟

Published on: Jun 22, 2019

جواب # 170721

بسم الله الرحمن الرحيم


Fatwa:830-724/sd=10/1440



استنجاء میں ڈھیلے یا ٹشو پیپر کا ضرور استعمال کریں، جب قطرات آنے سے مکمل اطمینان ہو جائے، اس کے بعد ہی پانی سے استنجاء کریں، اطمینان سے استنجاء کرنے کی صورت میں بعد میں عموما قطرات نہیں آتے اور اگر اس کے باجود قطرہ آئے، تو کسی ماہر طبیب سے علاج کرائیں اور کسی مقامی عالم دین یا مفتی سے بالمشافہہ صورتحال بتاکر شرعی حکم سمجھ لیں اور جب تک قرار کی صورت نہ پیدا ہو، فرض اور تراویح کی امامت سے احتراز کریں ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات