عبادات - طہارت

Pakistan

سوال # 170053

سوکر اٹھنے کے بعد کپڑے پر ودی اور مذی میں فرق کیسے واضح ہو گا جبکہ یقین ہو کہ منی نہیں ہے ؟

Published on: May 2, 2019

جواب # 170053

بسم الله الرحمن الرحيم


Fatwa:706-647/sd=8/1440



 مذی پتلی سفیدی مائل ہوتی ہے، شہوت کے وقت بغیر شہوت کے نکلتی ہے اس کے نکلنے پر شہوت قائم رہتی ہے جوش کم نہیں ہوتا بلکہ زیادہ ہوجاتا ہے، ودی سفید گدلے رنگ کی گاڑھی ہوتی ہے جو پیشاب کے بعد اور کبھی اس سے پیشتر اور کبھی جماع یا غسل کے بعد بلا شہوت نکلتی ہے۔ مذی وہو ماء أبیض یخرج عند شھوة لا بشھوة ولا دفق ولا یعقبہ فتور، ودی وہو ماء أبیض کدر ثخین لا رائحة لہ یعقب البول وقد یَسبَقُہ (طحطاوی علی مراقی الفلاح) اگر منی کا نہ ہونا یقینی ہو اور مذی یا ودی میں شک ہو، تو فرق جاننے کی ضرورت نہیں ہے، دونوں کا حکم یکساں ہے، صرف کپڑے اور بدن کو جہاں وہ لگی ہو، پاک کرنا کافی ہے، غسل واجب نہیں ہوگا، لیکن یہ واضح رہنا چاہیے کہ سوتے ہوئے جو رطوبت نکلتی ہے اُس میں ودی یا مذی کے احتمال کے ساتھ منی کا بھی احتمال رہتاہے، اس لیے کہ ممکن ہے کہ سونے کی حالت میں رطوبت بشہوت نکلی ہو؛ مگر نیند کی وجہ سے اس کے نکلنے میں شہوت کا احساس یاد نہ ہو۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات