عنوان: حلال جانور کو ذبح کرتے وقت اللہ کا نام نہیں لیا تو كیا حكم ہے؟

سوال: مفتی صاحب، امید ہے خیریت سے ہوں گے، ایک مسئلہ کی وضاحت درکار ہے اگر کسی حلال جانور کو ذبح کرتے وقت اللہ کا نام نہیں لیا ۔ اور پھر اس کے گوشت کو گرل پے بار بی کیو کیا۔۔۔ تو کیا اسی گرل پے حلال گوشت بار بی کیو کرکے کھانا صحیح ہے؟

جواب نمبر: 17097301-Sep-2020 : تاریخ اشاعت

بسم الله الرحمن الرحيم

Fatwa : 949-877/M=10/1440

اگر حلال جانور کو ذبح کرتے وقت تسمیہ (بسم اللہ) عمداً ترک کر دیا یعنی جان بوجھ کر بسم اللہ پڑھنا چھوڑ دیا تو ذبیحہ حلال نہیں ہوگا اس کا گوشت کھانا حرام ہے ہاں اگر سہواً بسم اللہ چھوٹ جائے یعنی بھول سے بسم اللہ پڑھے بغیر ذبح کردیا تو اس صورت میں ذبیحہ حلال ہے اس کا گوشت جس طرح چاہیں کھاسکتے ہیں۔ لا تحل ذبیحہ ․․․․․ تارک تسمیة عمداً فإن ترکہا ناسیاً حل الخ (درمختار) ۔