عنوان: خواب میں دیکھا کہ مشرقی پاکستان والے گھر کے سامنے ایک انسانی سر کٹا ہوا کالا پڑا ہوا ہے ...

سوال:

میں خواب کی تعبیر پوچھنا چاہتی ہوں۔ میرے شوہر نے کل شام اور کل ہی رات کو دو خواب دیکھے ، آپ سے تعبیر چاہتی ہوں۔ اب ہم سعودی میں ہیں ، ۲۴سال پہلے پاکستان میں رہتے تھے، میرے شوہر ۳۷ سال پہلے مشرقی پاکستان میں رہتے تھے۔

(1)  خواب میں دیکھا کہ مشرقی پاکستان والے گھر کے سامنے ایک انسانی سر کٹا ہوا کالا پڑا ہوا ہے۔ انھوں نے اٹھایا تو بہت ہی گرم تھا جس سے انھوں نے اندازہ لگایا کہ اس کو عذاب ہورہا ہے، تو وہیں اپنے گھر کی سیڑھی پر اسے رکھ دیا گھر کے باہر ہی اور اس پر کپڑا ڈال دیا۔ مگر ڈر ان کو ذرا بھی نہیں لگا۔ اتنے میں ایک آدمی آیا، اسی کے برابر دو تھیلیاں ڈال گیا اور جیسے کوڑے کرکٹ کی تھیلی ہو۔ میرے شوہر نے دیکھا کہ تو ایک تھیلی میں کوئی جانور تھا، بکرے کے برابر اور وہ زندہ تھا، اس کی آنکھ چمکتی نظر آرہی تھی اور سانس لینے کی آواز بھی۔ انھوں نے دیکھا کہ وہاں سے ایک سعودی آدمی گذرر ہا ہے، تو اسے بتایا کہ دیکھو یہ کیا ہے۔ بس آنکھ کھل گئی۔

(2)  اسی رات دیکھا کہ ہمارے گھر کے سامنے ایک گھر ہے جس میں کوئی جاننے والے میاں بیوی رہتے ہیں۔ ان لوگوں نے اس سے آکر کہا کہ ان کے گھر میں جن ہیں جو سامنے چل رہے ہیں۔ انھوں نے کہا کہ اچھا آپ لوگ ہمارے ہی گھر رہ جائیں۔

براہ کرم، دونوں خوابوں کی تعبیر بتلادیں۔

والسلام

جواب نمبر: 53910-Jun-2023 : تاریخ اشاعت

بسم الله الرحمن الرحيم

دونوں خواب ان شاء اللہ آپ لوگوں کے حق میں ذرا بھی نقصان دہ نہ ہوں گے، دو رکعت نماز پڑھ کر استغفار کرلیں اور اپنی دینی حالت اللہ پر بھروسہ کی کیفیت کو اچھی اور مضبوط بنانے کی کوشش کریں اگر دینی لحاظ سے نماز وغیرہ میں کوتاہی ہورہی ہو تو اس کی تلافی جلد کرنے کی کوشش کریں۔