معاملات - دیگر معاملات

India

سوال # 174557

کیا فرما تے ہیں مفتیان کرام مسئلہ ذیل کے بارے میں کہ ایک شخص نے بطور امانت کچھ سامان رکھنے کو دیا اور کہا کہ کچھ دن میں لے جاؤں گا (۰۱ سے ۱۵ دن میں مگر آج تقریبا ۳ مہینے ہو گئے ۔ لیکن وہ شخص نہ تو سامان لینے آیا اور نا ہی اس نے سامان کے متعلق مجھ سے کوئی خبر لی۔ جبکہ میں نے کئی بار اس کو خبر بھی بھجوائی کہ اگر ۱۰ سے ۱۵ دن میں اپنے سامان کو نہیں لیے گیا تو میں استعمال کر لوں گا۔ اور آج فون کے ذریعے خبر بھیجے ہوئے ۱ مہینہ گزر گیا لیکن اس نے کوئی جواب نہیں دیا۔ تو کیا اب کئی بار خبر بھیجوا نے کے بعد اس نے کوئی جواب نہیں دیا تو ایسے حالت میں میں اسکی چیزوں کو استعمال کر سکتا ہوں؟۔ امید قوی ہے کہ جواب جلد از جلد دیکر کے مشکور ہونے کا موقع فراہم کریں گے ۔

Published on: Oct 23, 2019

جواب # 174557

بسم الله الرحمن الرحيم


Fatwa : 135-122/M=02/1441



آپ کو معلوم ہے کہ سامان کا مالک کون ہے اور کہاں رہتا ہے تو کسی ذریعہ سے پھر خبر بھیجوادیں، اگر فون نمبر ہے تو رابطہ کرکے خود کہہ دیں کہ اپنا سامان لے جاوٴ، اور اگر مالک اجازت دے تو آپ استعمال کر سکتے ہیں، بلااجازت استعمال نہ کریں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات