معاشرت - نکاح

India

سوال # 175447

کیا اچانک اور سب سے چھپ کر تماشہ کی طرح کیا گیا نکاح جو کہ ۱۸ /مہینوں سے ابھی بھی پوشیدہ ہے اگر کسی بھائی بہن کو پتا ہو تو اس کی کیا ذمہ داری ہے؟ اور کیا ایسے گھر کا کھانا پینا جائز ہے؟

Published on: Dec 25, 2019

جواب # 175447

بسم الله الرحمن الرحيم


Fatwa:386-305/L=4/1441



نکاح علانیہ کرنے کا حدیث شریف میں حکم ہے ؛اس لیے نکاح علانیہ ہی کرنا چاہیے ،خفیہ نکاح اگر عاقدین یا ان کے وکیل اور دوگواہوں کی موجودگی میں ہو تو یہ بھی درست ہے اور نکاح منعقدہوجاتا ہے گو بہتر نہیں ،مذکورہ بالا صورت میں اگر خفیہ نکاح عاقدین یا ان کے وکیل اور دوگواہوں کی موجودگی میں ہوا ہے تو وہ نکاح درست ہوگیا ؛البتہ نکاح کے بعد اس کی تشہیر کردینی چاہیے تاکہ لوگوں میں کوئی شبہ نہ رہے اور ایسے گھر کا کھانا پینا بھی جائز ہے ۔واضح رہے کہ اگر خفیہ نکاح کی کوئی اور صورت پیش آئی ہو تو اس کو لکھ کر معلوم کرلیا جائے ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات