معاشرت - نکاح

india

سوال # 175040

میرے عضو تناسل میں تکلیف ہے یعنی پیشاب کی نالی کا ایک بار آپریشن ہوچکاہے ، میری شادی کو تین سال باقی ہے، کبھی یہ اندیشہ ہوتاہے کہ میں اپنی بیوی کا حق ادا نہ کرپایا تو اس کی زندگی خراب ہوجائے گی ، میری منگنی حال ہی میں ہوئی ہے ، مہربانی کرکے مجھے بتائیں کہ مجھے کیا کرنا چاہئے۔

Published on: Dec 3, 2019

جواب # 175040

بسم الله الرحمن الرحيم


Fatwa : 340-300/M=04/1441



ابھی شادی ہونے میں تین سال کا وقت ہے تواِس دوران اچھے حکیم یا ڈاکٹر سے اپنی بیماری کا علاج کراسکتے ہیں، اگر علاج سے کامیابی مل گئی اور تکلیف دور ہوگئی اور حق زوجیت ادا کرنے پر خود کو قادر محسوس کرنے لگیں تو شادی وقت پر کرلیں، اور اگر علاج کے لئے مزید مہلت درکار ہو تو لڑکی والوں سے مزید مہلت طلب کر سکتے ہیں اگر وہ بخوشی آمادہ ہوں تو ٹھیک ہے اور اگر لڑکی والے مزید مہلت کے لئے تیار نہ ہوں یا بیماری صحیح ہونے کی توقع نہ ہو تو حسن انداز سے شادی سے معذرت کردیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات