عنوان: بہ ذریعہ سرجری جنس کی تبدیلی کی صورت میں نکاح کا حکم

سوال: ایک لڑکا ہے پر وہ پوری طرح سے بدل گیاہے، آپریشن کرالیاہے اس نے، اس کا اب سب کچھ لڑکیوں کی طرح سے ہے، ویسے ہی کپڑے پہنتاہے، ویسے ہی رہتاہے جیسے لڑکیاں رہتی ہیں، اس کی اب جو لڑکوں کی شرمگاہ ہوتی ہے وہ نہیں، بلکہ جو لڑکیوں کی شرمگاہ ہوتی ہے ویسی ہی ہے، آپریشن کرایاتھا اس نے ، کیا اب اس صورت میں کسی لڑکے کا اس سے نکاح جائز ہے؟

جواب نمبر: 17114201-Sep-2020 : تاریخ اشاعت

بسم الله الرحمن الرحيم

Fatwa:848-888/N=2/1441

اگر کسی لڑکے نے بہ ذریعہ سرجری اپنا جنسی نظام تبدیل کرالیا ہے، یعنی: اس کی مردانہ شرمگاہ نکال کر اس میں زنانہ شرمگاہ لگادی گئی ہے اور وہ مکمل طور پر لڑکی ہوچکا ہے تو اس نے جو کیا، بلاشبہ ناجائز وحرام کیا، اسلام میں جنس کی تبدیلی سخت حرام وناجائز ہے؛ البتہ جب وہ مکمل طور پر لڑکی ہوچکا ہے تو لڑکے سے اُس کا نکاح درست ہوگا۔