• معاشرت >> نکاح

    سوال نمبر: 169900

    عنوان: اگر رشتہ فسخ کر دیا گیا تو جو سامان وغیرہ لیا دیا گیا ہے اس كا كیا حكم ہے؟

    سوال: میرا سوال یہ ہے کہ بکر نے اپنی بہن کا رشتہ طے کر دیا اور نکاح کی تاریخ اور وقت بھی طے ہو گیا اچانک لڑکے کی ماں نکاح ہو نے سے ایک دن پہلے فوت ہو گئی تو نکاح اس وقت موخر ہو گیا لڑکا پہلے بھی دیکھا ہواتھا مگر جب اسے غور دیکھا تو لڑکا پسند نہیں آ یا اب بکر کو رشتہ کینسل کرنے کا حق ہے یا نہیں جبکہ رواج کے مطابق جہیز کا سامان بھی لڑکے کے گھرپہلے سے پہنچا دیا تھا مفصل و مدلل جواب سے تشفی فرمائیں۔

    جواب نمبر: 169900

    بسم الله الرحمن الرحيم

    Fatwa : 754-680/D=08/1440

    ہو سکتا ہے کہ تم کسی چیز کو ناپسند کرو اور اللہ نے اس میں خیر کثیر رکھا ہو نکاح کی بات چیت طے کرنا عقد نکاح کے برابر تو نہیں لیکن زبان کا لحاظ اور وعدہ کا خیال رکھنا اسلام کی اخلاقی تعلیمات کا حصہ ہے، پس کسی بڑی خرابی اور کمی کے بغیر رشتہ کو فسخ کرنا مناسب نہیں۔ اگر رشتہ فسخ کر دیا گیا تو جو سامان وغیرہ لیا دیا گیا ہے اسے واپس کر دیا جائے۔


    واللہ تعالیٰ اعلم


    دارالافتاء،
    دارالعلوم دیوبند