عبادات - جمعہ و عیدین

Pakistan

سوال # 174132

میں جمعہ کو آفس سے باہر گیا تھا تو جمعہ کی نماز کے لیے ایک مسجد میں گیا ، مجھے اندازہ نہیں تھا کہ یہ اہل حدیث والوں کی مسجد ہے، جمعہ کی نماز میں وہاں صرف یک خطبہ ہوا اور آمین اونچی آواز میں کہا جانے لگا، میں نے اپنے طریقے سے نماز پڑھ لی، کیا میری نماز ہوگئی یا مجھے قضا نماز پڑھنی ہوگی؟

Published on: Oct 27, 2019

جواب # 174132

بسم الله الرحمن الرحيم


Fatwa : 191-164/M=02/1441



اپنے طریقے سے نماز پڑھ لی، اس سے مراد اگر یہ ہے کہ اُن کی جماعت میں شامل ہوکر آپ نے حنفی مسلک کے مطابق نماز ادا کی یعنی آمین آہستہ آواز میں کہی، تحریمہ کے علاوہ رفع یدین نہیں کیا اور ہاتھ ناف کے نیچے باندھا وغیرہ تو آپ کی نماز درست ہوگئی، قضاء پڑھنے کی ضرورت نہیں۔ اگر مراد کچھ اور ہے تو وضاحت فرماکر سوال کر سکتے ہیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات