عبادات - جمعہ و عیدین

India

سوال # 173692

کیا فرماتے ہیں علمائکرام و مفتیان عظام مسئلہ ذیل کے بارے میں مسئلہ یہ ہے کہ ہمارے گاؤں میں دو مسجدوں میں جمعہ کی نماز ہوتی ہے اور دونوں مسجدیں مکمل نہیں بھرتی ہیں اور اب تیسری اور چوتھی مسجد کے متولی صاحبان اپنی اپنی مسجدوں میں جمعہ کی نماز کرنا چاہتے ہیں، لہذا معلوم یہ کرنا چاہتے ہیں کہ ایسی صورت میں ان متولی صاحبان کا اپنی اپنی مسجدوں میں جمعہ کرنا کیسا ہے قرآن و حدیث کی روشنی میں مسئلہ بالا کا جواب مرحمت فرمائیں،عین نوازش ہوگی۔

Published on: Nov 3, 2019

جواب # 173692

بسم الله الرحمن الرحيم


Fatwa:140-113/L=3/1441



جمعہ وعیدین کے قیام کے اغراض ومقاصد میں سے شان وشوکت کا اظہار بھی ہے اور یہ اسی وقت ہوسکتا ہے جبکہ کم سے کم مساجد میں جمعہ کی نماز قائم کی جائے ؛اس لیے صورتِ مسئولہ میں اگر جن مساجد میں جمعہ کی نمازیں ہوتی ہیں وہ نمازیوں سے نہیں بھر پاتی ہیں تو بلاضرورت تیسری اور چوتھی مساجد میں جمعہ کا قیام مناسب نہیں، اس سے جمعہ کا مقصد بدرجہ اتم حاصل نہ ہوگا ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات