عنوان: علم غیب اللہ کے رسول ﷺ کو کب دیا گیا؟

سوال: حضرت محمد صلی اللہ علیہ وسلم کا علم غیب عطا کیا گیا تھا تو آپ کی عمر اس وقت کیا تھی؟ براہ کرم، جواب دیں۔

جواب نمبر: 17275901-Sep-2020 : تاریخ اشاعت

بسم الله الرحمن الرحيم

Fatwa:1123-898/sn=12/1440

 علم غیب سے مراد آپ کے نزدیک کیا ہے ؟کلی یا جزئی، اگر کلی ہے تو یہ تو صرف اللہ تعالی کی صفت ہے، بہ شمول ہمارے نبی محمد صلی اللہ علیہ وسلم کسی نبی کو بھی کلی علم غیب نہیں دیا گیا؛ لہذا اس سے متعلق یہ سوال کہ آپ کو یہ علم(علم غیب کلی) کس عمر میں دیا گیا بے محل ہے، اگر جزئی علم غیب مراد ہے تو بلا شبہ جزئی علمِ غیب اللہ کے نبی کو عطا کیا گیا تھا یعنی کبھی کبھار مغیبات کا علم بہ ذریعہ وحی اللہ تعالی اپنے پیارے نبی محمد صلی اللہ علیہ وسلم کو عطا کردیا کرتے تھے اور ظاہر ہے کہ وحی کی آمد نبوت سے سرفراز کیے جانے کے بعد شروع ہوئی ہے اور نبوت آپ کو چالیس سال کی عمر میں عطا ہوئی ہے۔