متعلقہ سوالات

میں احمد آباد گجرات کا رہنے والا ہوں ۔میں نے ۲۴/مارچ ۲۰۰۸ء کے (دویابھاسکر) گجراتی اخبار میں ایک خبر پڑھی۔ اس خبر میں لائف انشورنس اور پراپرٹی انشورنس کے بارے میں لکھا تھا۔ (۱) کہ اب مسلمان شیئر مارکیٹ میں شیئر کی خریدو فروخت کرسکتے ہیں۔ (۲) اور انھو ں نے یہ بھی لکھا تھا کہ فرقہ وارانہ فسادات کی وجہ سے مسلمان اپنا لائف انشورنس کراسکتے ہیں نیز وہ پراپرٹی انشورنس بھی کراسکتے ہیں۔ انھوں نے لکھا کہ یہ فتوی ، مسلم پرسنل لاء بورڈ ، دارالعلوم دیوبند، جماعت اسلامی ہند اورہندوستان کے دوسرے تین سو مدارس کے ذریعہ جاری کیا گیا ہے۔ مولانا صاحب میں یہ جاننا چاہتا ہوں کہ کیا یہ صحیح ہے؟ (۲) گجرات کے کچھ مدارس نے بینک میں پیسہ جمع کرنے کے متعلق فتوی جاری کیا ہے۔ اس فتوی میں انھوں نے کہا ہے کہ ہم پیسہ جمع کرسکتے ہیں اور اس پیسہ پر ہم زائد رقم یعنی سود لے سکتے ہیں اور ہم اس سود کو اپنی ذاتی ضروریات میں استعمال کرسکتے ہیں اور اس کو ہم مذہبی مقاصد کے پیش نظر بھی استعمال کرسکتے ہیں۔ کچھ لوگ چند مدت کے لیے بینک میں پیسہ جمع کرتے ہیں اور اس مدت کے بعد ان کو دوگنا پیسہ ملتا ہے۔ برائے کرم مجھے بتائیں کہ کیا صحیح ہے اور کیا غلط ہے؟ کیا ہم اس طرح کا پیسہ اپنی ذاتی ضروریات میں استعمال کرسکتے ہیں۔ اور ان میں کے کچھ نے کہا کہ یہ پیسہ مال مباح ہے، اور میں الجھن میں پڑ گیا ہوں۔ برائے کرم قرآن اورحدیث کی روشنی میں مشورہ دیں۔ اس کی اجازت ہے یا نہیں؟

سوال یہ ہے کہ میں عمان ( مسقط) میں ایک کمپنی میں کام کرتاہوں اور اس کمپنی نے اپنے ملازموں اور ان کی فیملیوں کو میڈکل انشورنس کارڈ دیا ہواہے جس کے لئے ہم اپنا علاج فری میں کراسکتے ہیں جس کی لمٹ عمانی ریال 1000/ تک ہے۔ ہمیں صرف ایک ریال بھرنا پڑتاہے ہر وزٹ پر۔ کیا ہمارے لئے یہ جائز ہے یا نہیں؟

کیا کریڈٹ کارڈ کا استعمال جائز ہے؟ کیوں کہ پچاس سے باون دن کی محدود مدت تک ہمیں سود نہیں دینا پڑتا ہے، لیکن اگر ہم اس مدت کے دوران ادائیگی نہ کریں تو ہمیں سود ادا کرنا پڑتا ہے۔

میں نے ایک سرکاری نوکری کے لیے درخواست دی ہے۔ اس کے ذمہ داران پیسہ مانگ رہے ہیں، جو کہ سب کو ادا کرنا ہوگا۔ کیا میں ان کو سود کی وہ رقم دے سکتاہوں جو کہ میرے بینک اکاؤنٹ میں ہے؟

آپ سے مسئلہ یہ معلوم کرنا تھا کہ یوفون نامی ایک موبائل کمپنی نے اپنے صارفین کو کو ایک سہولت دی ہے کہ اگر کسی صارف کا بیلنس ختم ہوجاتا ہے تو موبائل کمپنی اسے 15 روپے تک کا ادھار وقتی طور پے لےنے کی اجازت دیتی ہے اور جب وہ شخص اپنے موبائل میں جیسے ہی بیلنس ڈالےگا تو کمپنی اپنے 15روپے فوری طور پے واپس لےلیگی۔ یہ ایک اچھی سہولت ہے اور ہم نے اسے کافی استعمال کیا۔آج کسی نے مجھے بتایا کہ کمپنی 15 روپے ادھار دے کر واپس 15 روپے لینے کے بجائے 15 روپے اور 60پیسے لیتی ہے۔ اس بات کی تصدیق کے لیے میں نے کمپنی فون کرکے معلوم کیا تو انہوں نے اس بات کی تصدیق کی اور کہا کہ یہ 60پیسے جو ہم اضافی لے رہے ہیں یہ ہمارے سروس چارجز ہیں۔ اب آپ برائے مہر بانی رہنمائی فرمائیں کہ کیا یہ معاملہ سود ہے؟ اگر ہے تو کیا ہم اس میں گناہ گار ہونگے؟

ہمارے علاقے میں ایک آدمی ڈالر لیتا ہے زیادہ قیمت پر مثال کے طور پر ایک آدمی کہتا ہے کہ مجھے سو ڈالر ابھی آپ دیدیں اور ایک مہینے بعد پانچ ہزار روپیہ دوں گا، اب سو ڈالر کی قیمت تقریباً تین ساڑھے تین ہزار بنتی ہے، یہ جو زیادہ دیا جاتا ہے مدت کے مقابلے میں آیا یہ شرعاً صحیح ہے کہ نہیں؟ برائے مہربانی جواب میں ذرا تعجیل کریں، آپ حضرات کی بڑی مہربانی ہوگی، یہاں بہت سارے لوگ اس کاروبار میں ملوث ہیں، اور یہاں کے علماء صاحبان کہتے ہیں کہ اس میں جنس مختلف ہیں اس وجہ سے صحیح ہیں، لیکن بعض کہتے ہیں کہ یہ عرفی ثمن ہیں۔

کیا فرماتے ہیں مفتیان کرام درج ذیل مسئلہ میں کہ: ٹرک کےٹائر کی ایک کمپنی ہے برلا زید ٹائر کی ایجنسی لینا چاہتا ہے کمپنی کا قانون ہے کہ ایجنسی لینے والا ۲۰۰۰۰۰ روپے کمپنی کو ڈپوزٹ دے تو کمپنی دولاکہ ڈپوزٹ پر ہر سال ۳۰۰۰۰ نفع {سود} دیگی اور ایک ٹائر پر دوفیصد قیمت کم لیگی تو زید کا کہنا ہے کہ مسلمان کے لئے سود لینا جائز نہیں ہے لہذا ۳۰۰۰۰ مجہے نہیں چاہیئے اسکے بجائے ایک ٹائر پر مجھسے پانچ فیصد قیمت کم لی جائے تو کیا زید کا اسطرح سے کمپنی سے ایجنسی لینا شرعاً درست ہے؟