عنوان: نکاح اور ولیمہ کے موقعہ پر پیسوں یا کسی اور تحفے کے لین دین کا حکم

سوال: حضرت، براہ کرم یہ بتائیں کہ نکاح اور ولیمہ کے موقعہ پر تحفہ یا لفافہ (روپیہ) کا دینا صحیح ہے یا نہیں؟ آجکل لوگ ”دعوت نامہ “ پر لکھتے ہیں کہ تحفہ لے کر نہ آئیں۔

جواب نمبر: 16403201-Sep-2020 : تاریخ اشاعت

بسم الله الرحمن الرحيم

Fatwa:1217-1168/N=1/1440

دعوت نکاح یا ولیمہ کے موقعہ روپے پیسوں کا لفافہ یا کوئی اور تحفہ دینا محض رسم ہے اور لوگ عام طور پر خواہی نخواہی رسم کی وجہ سے لین دین کرتے ہیں؛ اس لیے یہ لین دین نہیں ہونا چاہیے۔ اور اگر کوئی شخص اس لین دین سے بچتا ہے اور دعوت نامہ پریہ لکھتا ہے کہ کوئی تحفہ یا لفافہ لے کر نہ آئیں تو یہ اچھی بات ہے، ہر ایک کو اس لین دین سے بچنا چاہیے۔