عنوان: اسلام میں عورت کا تعلیم حاصل کرنا کیسا ہے ؟

سوال: اسلام میں عورت کا تعلیم حاصل کرنا کیسا ہے ؟ میں میڈیکل اور ڈینٹل کالج کی اسٹوڈنٹ ہوں ، میری کلاس میں ۹۰ لڑکیاں اور ۱۰ لڑکے ہیں۔ میں حجاب اور نقاب کرتی ہوں تو کیا پردہ میں رہ کر یونیورسٹی جانا صحیح ہوگا؟ میں نے یہ سوال جنوبی افریقہ کے ایک مفتی ( مفتی احمد صادق دیسائی دامت برکاتھم) سے بھی پوچھا تھا اور انہوں نے جواب میں کہا کہ یونیورسٹی جانا مسلمان لڑکوں اور لڑکیوں دونوں کیلئے حرام ہے ، کیا واقعی پردے میں رہ کر بھی یونیورسٹی جانا حرام ہے ؟ برائے مہربانی وضاحت فرما دیں۔ جزاکم اللہ خیرا

جواب نمبر: 15044401-Sep-2020 : تاریخ اشاعت

بسم الله الرحمن الرحيم

Fatwa: 710-678/sd=7/1438

عورت کے لیے مکمل پردے میں رہ کر میڈیکل کی تعلیم حاصل کرنے کے گنجائش ہے ،اگر یونیورسٹی مسافت سفر پر واقع ہے ، تو آنے جانے میں کسی محرم کا ساتھ ہونا ضروری ہے اور مقامی یونیورسٹی میں تعلیم حاصل کرنے میں بھی احتیاط اسی میں ہے کے آنے جانے میں کوئی محرم ساتھ میں ہو یا کوئی ایسی شکل بنائی جائے جس میں کسی طرح کے فتنے کا اندیشہ نہ ہو اور آپ نے جن مفتی صاحب کے فتوی کا حوالہ دیا ہے ، وہ تحریری شکل میں پیش کریں، اس کے بغیر فتوی کے بارے میں کوئی حکم نہیں لکھا جاسکتا۔