عبادات >> احکام میت
سوال نمبر: 10669
میرا سوال یہ ہے کہ اگر موت کے وقت کوئی کلمہ کفر منھ سے نکل جائے تو کیا وہ انسان کافر مرے گا کیوں کہ ہوسکتا ہے کہ موت کی شدت سے اس کے منھ سے یہ باتیں نکل گئی ہوں؟ تو کیا اس کا حشر قیامت والے دن کفار کے ساتھ ہوگا؟
میرا سوال یہ ہے کہ اگر موت کے وقت کوئی کلمہ کفر منھ سے نکل جائے تو کیا وہ انسان کافر مرے گا کیوں کہ ہوسکتا ہے کہ موت کی شدت سے اس کے منھ سے یہ باتیں نکل گئی ہوں؟ تو کیا اس کا حشر قیامت والے دن کفار کے ساتھ ہوگا؟
جواب نمبر: 10669
بسم الله الرحمن الرحيم
فتوی: 170=153/ ل
ایسے شخص کے ساتھ دنیا میں مسلمانوں جیسا معاملہ کیا جائے گا اور اس سے صادر ہونے والے کلمہ کفر کو زوال عقل پر محمول کیا جائے گا، اور آخرت کا معاملہ اللہ کے سپرد ہوگا: وما ظھر منہ من کلمات کفریة یغتفر في حقہ ولیعامل معاملة مولی المسلمین حملا علی أنہ في حال زوال عقلہ وفي الشامیة: والعبد الضعیف موٴلف ہذہ الکلمات فوض أمرہ إلی الرب الغني الکریم (شامي: ۳/۸۲، ط زکریا دیوبند)
واللہ تعالیٰ اعلم
دارالافتاء،
دارالعلوم دیوبند