عبادات - زکاة و صدقات

Pakistan

سوال # 167253

مجھے یہ پوچھنا تھا کہ میری بیوی کے پاس سونے کے زیورات ہیں جن کی زکوة تقریبا ۲۷ ہزار روپے کے آس پاس بن رہی ہے ۔ مگر میری بیوی کماتی نہیں ہے ۔ میں ملازمت پیشہ ہوں۔ تو کیا میں اپنی بیوی کی طرف سے ، بیوی کی زکوة اپنی تنخواہ / آمدن سے اقساط کی صورت میں ادا کرسکتا ہوں ؟ یعنی شوہر بیوی کی زکوة اپنی آمدن سے ادا کرسکتا ہے یا نہیں ؟

Published on: Dec 27, 2018

جواب # 167253

بسم الله الرحمن الرحيم


Fatwa : 403-376/H=04/1440



آپ اپنے مال سے بیوی کی زکات اداء کردیا کریں اور بیوی کی اجازت سے کریں تو بیوی کی زکات بلا کراہت ادا ہو جائے گی اگر بالاقساط کریں تب بھی کچھ مضائقہ نہیں البتہ زکات کی ادائیگی جب واجب ہو جائے تو جس قدر جلد سے جلد اداء کرکے فارغ ہو جائیں بہتر ہے اور زکات اداء کرکے بیوی کو اطلاع کردیا کریں یا بتلا دیا کریں تو اچھا ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات