معاشرت >> عورتوں کے مسائل
سوال نمبر: 153714
جواب نمبر: 153714
بسم الله الرحمن الرحيم
Fatwa: 1159-966/D=12/1438
حصول اولاد کے لیے ڈاکٹر کے انجکشن کے ذریعہ مادہٴ منویہ کو عورت کے رحم میں پہنچانا، خواہ شوہر ہی کا مادہٴ منویہ کیوں نہ ہو ناجائز وحرام ہے؛ کیوں کہ اس میں محض جلب منفعت کی خاطر کشفِ عورت لازم آتا ہے، جو نہ کہ صرف مزاجِ شریعت کے خلاف ہے؛ بلکہ انتہائی بے حیائی اور بے غیرتی پر مشتمل ہے؛ اس لیے اس سے احتراز لازم ہے۔
(۲) شوہر کے علاوہ کسی اجنبی کے مادہٴ منویہ کو عورت کے رحم میں داخل کرنے میں اوپر ذکر کیے ہوئے مفاسد کے علاوہ اختلاطِ نسب کا بھی مفسدہ ہے، اس لیے اس کی حرمت اور بھی زیادہ شدید ہے۔
مستفاد از: چند اہم عصری مسائل: ۲/ ۲۹۹، احسن الفتاوی: ۸/ ۲۱۴، نظام الفتاوی: ۳/ ۳۰۹۔
واللہ تعالیٰ اعلم
دارالافتاء،
دارالعلوم دیوبند