عنوان: جس جگہ ایک مرتبہ مسجد بنادی جائے کیا وہ جگہ ہمیشہ کے لیے مسجد ہی ہو جاتی ہے؟

سوال: (۱) جس جگہ ایک مرتبہ مسجد بنادی جائے کیا وہ جگہ ہمیشہ کے لیے مسجد ہی ہو جاتی ہے؟ (۲) زمین کے نیچے سے آسمان تک مسجد ہی ہے تو اکثر شہروں میں مسجدیں دوسری منزل پر ہوتی ہیں اور نیچے دوکانیں ہوتی ہیں تو کیا وہ دوکانیں داخل مسجد کہلائیں گی؟

جواب نمبر: 15079701-Sep-2020 : تاریخ اشاعت

بسم الله الرحمن الرحيم

Fatwa: 1077-1095/L=9/1438

(۱) جی ہاں! جو جگہ ایک مرتبہ مسجد ہوجائے اس پر تاقیامت مسجد کے احکام جاری ہوتے ہیں۔

(۲) اگر ابتداءِ بنا کے وقت کچھ دوکانیں مسجد کے لیے بنالی جائیں تو اس کی گنجائش ہے اور یہ دوکانیں خارج مسجد کہلائیں گی اور اگر مسجد بن جانے کے بعد دوبارہ تعمیر کرنے کی صورت میں نیچے دوکانیں بنائی جائیں تو یہ جائز نہ ہوگا؛ کیونکہ اس صورت میں زمین تحت الثری سے عنان سماء تک مسجد ہوگئی، اب کسی بھی حصے کو مسجد سے خارج کرنا جائز نہ ہوگا۔