متفرقات >> تصوف
سوال نمبر: 149036
جواب نمبر: 149036
بسم الله الرحمن الرحيم
Fatwa ID: 457-369/D=5/1438
اصل چیز اصلاحی تعلق ہے کسی ایک شیخ و مصلح سے قائم کرکے اپنے ظاہر و باطن میں اصلاح کے لیے ان سے ہدایت حاصل کی جاتی ہے اسی اصلاحی تعلق کی استواری اور مضبوطی کے لیے بیعت کرنا مستحب درجہ کی چیز ہے۔
مختلف مشائخ سے محض برکت کی نیت سے بیعت کرنا کبھی نقصان دہ بھی ہو سکتا ہے اس لیے اس سے اجتناب کرنا ہی بہتر ہے باقی نسبت قوی کرنے کے لیے اپنے شیخ و مصلح کی اجازت اور مرضی سے کبھی اسی سلسلہ کے بزرگ سے بیعت ہو جانے میں حرج نہیں لیکن از خود پیش قدمی کرنا مضر ہے۔
(۲) جس سے مناسبت قوی معلوم ہو اور اس کی صحبت میں رہنے سے دنیا سے بے رغبتی پیدا ہو، آخرت کی طرف توجہ اور فکر بیدار ہو، نیکی کی طرف رغبت اور دنیا سے دل سرد ہو ،ایسے شیخ سے تعلق استوار اور مضبوط کرلیں ، انہیں کی تعلیمات پر عمل کریں۔
واللہ تعالیٰ اعلم
دارالافتاء،
دارالعلوم دیوبند