• عقائد و ایمانیات >> تقلید ائمہ ومسالک

    سوال نمبر: 158450

    عنوان: تقلید کی تعریف؟

    سوال: حضرت مفتی صاحب! تقلید کی مکمل تعریف کیا ہے؟ (۲) فقہ کی تعریف کیا ہے؟

    جواب نمبر: 158450

    بسم الله الرحمن الرحيم

    Fatwa:494-454/M=5/1439

    تقلید کے معنی لغت میں ماننا، پیروی کرنا اور کسی شئ کو دوسری شئ کے لیے لازم کردینے کے ہیں، اصطلاح میں تقلید کہتے ہیں کہ کسی کا قول محض اس حسن ظن پر مان لینا اورعمل کرنا کہ وہ دلیل کے موافق بتلائے گا اور اس سے دلیل وتحقیق کا مطالبہ نہ کرنا ، صاحب نامی شرح حسامی فرماتے ہیں: التقلید اتباع الغیر علی ظن أنہ محق بلا نظر في الدلیل (نامي: ۱۹۰) اور فقہ کے لغوی معنی، سمجھ، فہم وفراست کے ہیں اور اصطلاح میں فقہ کہتے ہیں احکام شرعیہ کے جاننے کو جو ادلہ تفصیلیہ سے ماخوذ ہوں۔ واصطلاحاً عند الأصولیین: العلم بالأحکام الشرعیة الفرعیة المکتسب من أدلّتہا التفصیلیة․ (مقدمة رد المحتار: ۱/ ۱۱۴، ط: اشرفی دیوبند)


    واللہ تعالیٰ اعلم


    دارالافتاء،
    دارالعلوم دیوبند