عنوان: پیمپر کے احکام

سوال: محترم ! ہماری والدہ فالج سے معذوری کے بعد پیمپر استعمال کرتی تہیں ،کیا پیمپر پہن کر نماز ہو سکتی ہے ، جب کہ مفلوج کو بار بار پیشاب کا مرض بہی ہو ؟

جواب نمبر: 14994101-Sep-2020 : تاریخ اشاعت

بسم الله الرحمن الرحيم

Fatwa: 789-732/Sn=7/1438

اگر پیمپر پر قدرِ درہم (ہتھیلی کی گہرائی کی مقدار) سے زیادہ نجاست لگی ہو تو اس کے ساتھ نماز پڑھنا شرعاً جائز نہیں ہے؛ البتہ قطرہ آنے کی شکایت اتنی زیادہ ہو کہ ایک پیمپر (یا کپڑا) ہٹاتے ہی دوسرا ناپاک ہوجاتا ہو تو پھر اس حرج کی وجہ سے ناپاک پیمپر کے ساتھ بھی نماز پڑھنے کی گنجائش ہے، بہشتی زیور (موٴلفہ حکیم الامت) میں ”معذور“ سے متعلق تفصیلی مسائل مذکور ہیں، ان کا مطالعہ فرمالیں تو بہت اچھا ہوگا۔ مریض تحتہ ثیاب نجسة وکلما بسط شیئا تنجّس من ساعتہ یصلّی علی حالہ وکذا لو لم یتنجس الثانی لکن یلحقہ زیاة مشقّة بالتحویل کذا في فتاوی قاضي خان (ہندیہ: ۱/۱۳۷، ط: زکریا)