عبادات - صوم (روزہ )

INDIA

سوال # 171158

میرا سوال یہ ہے کہ رمضان المبارک کا مہینہ چل رہا ہے اس میں نفل کا ثواب فرض جتنا اور فرض کا ثواب ۷۰ فرض کے برابر ہو جاتا ہے تو کیا اگر کسی کے ذمہ ۷۰ نمازے قضا ہوں غیر رمضان میں مثال کے طور پر ظہر کی تو اگر وہ رمضان المبارک میں ۲ رکعت فرض قضا کی نیت سے اسی وقت پڑھ لے تو وہ ۷۰ قضا نمازوں کو پورا کر سکے گی؟

Published on: Jul 22, 2019

جواب # 171158

بسم الله الرحمن الرحيم


Fatwa:861-713/N=11/1440



رمضان میں نفل کا ثواب فرض کے برابر اورایک فرض کا ۷۰/ فرض کے برابر جو ہوجاتا ہے، یہ محض ثواب اور فضیلت کی چیز ہے ، ایسا نہیں ہے کہ نفل سے فرض اور ایک فرض سے ۷۰/ فرض ادا ہوتے ہیں؛ کیوں کہ ثواب اور فضیلت کی مقدار بڑھنے سے عمل کی مقدار نہیں بڑھتی؛ لہٰذا رمضان میں ایک فرض قضا نماز ادا کرنے سے غیر رمضان کی ۷۰/ فرض قضا نمازیں ادا نہیں ہوں گی ، صرف ایک فرض قضانماز ادا ہوگی۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات