عنوان: میں نے اپنا روزہ پیاس کی شدت کی وجہ سے توڑ دیا اس كا كیا كفارہ ہے؟

سوال: میں نے اپنا روزہ پیاس کی شدت کی وجہ سے توڑ دیا کیونکہ اب میں اس سے زیادہ برداشت نہیں کر سکتا تھا ، میں اس کا کفارہ ادا کرنا چاہتا ہوں، تو کتنی مجھے رقم غریب کو دینے کے لیے ادا کرنی ہوگی؟ اور اس کا طریقہٴ کار کیا ہوگا؟ مختصراً وضاحت فرمائیں۔ شکریہ

جواب نمبر: 15246701-Sep-2020 : تاریخ اشاعت

بسم الله الرحمن الرحيم

Fatwa: 1134-1084/sn=11/1438

اگر آپ کو واقعةً ناقابل برداشت پیاس لگی تھی اور یہ خطرہ تھا کہ پانی نہ پینے کی صورت میں بے ہوشی آجائے گی یا جان چلی جائے گی تو صورتِ مسئولہ میں پانی پی لینے کی وجہ سے آپ پر کوئی کفارہ واجب نہیں ہوا ہے، بس ایک روزے کی قضا کرلیں․․․․ وبقي الإکراہ وخوف ہلاک أو نقصان عقل ولو بعطش أو جوع شدید إلخ (رد المحتار علی الدر المختار: ۳/۴۰۲، ط: زکریا) نیز دیکھیں: فتاوی دارالعلوم دیوبند (۶/۴۲۱، سوال: ۱۲۸)