عنوان: پہلی صف کی خالی جگہ پر کرنے کے لیے نمازی کے سامنے گذرنے کا حکم

سوال: ہماری مسجد میں ایک مصلی جماعت کے ساتھ دوسری صف میں کرسی پر بیٹھ کر نماز پڑھتاہے جب کہ اس کے سامنے پہلی صف میں جگہ خالی رہتی ہے ، اور اس جگہ کو پر کرنے کے لیے کسی مصلی کو آگے بڑھنے پڑتاہے تو کیا آگے بڑھنے والے کو کوئی تو گناہ نہیں ہوگا؟ براہ کرم، رہنمائی فرمائیں۔

جواب نمبر: 17420101-Sep-2020 : تاریخ اشاعت

بسم الله الرحمن الرحيم

Fatwa:158-132/N=3/1441

جب کوئی معذور شخص دوسری صف میں کرسی پر بیٹھ کر نماز پڑھتا ہے تو پہلی صف میں اس کے سامنے جگہ خالی رکھنے کی ضرورت ہی نہیں۔ لوگوں کو چاہیے کہ اقامت کے ختم ہونے تک وہ جگہ کو ضرور پرلیا کریں۔ اور اگر کبھی اتفاقاً اس جگہ کوئی کھڑا نہ ہو اور وہ خالی رہ جائے تو دوسری یا تیسری صف کا آدمی نماز کی حالت میں آگے بڑھ کراس خالی جگہ کو پر کرسکتا ہے، اس میں شرعاً کچھ گناہ یا مضائقہ نہیں۔

وفی القنیة : قام في آخر صف وبین الصفوف مواضع خالیة فللداخل أن یمر بین یدیہ لیصل الصفوف؛ لأنہ أسقط حرمة نفسہ فلا یأثم المار بین یدیہ (الدرالمختار مع ردالمحتار، کتاب الصلا، باب الامامة، ۲: ۲۱۲، ۲۱۳، ط: مکتبة زکریا دیوبند)