عنوان: جو امام تكلیف كی وجہ سے صحیح بیٹھ نہیں سكتا كیا اس كی امامت درست ہے؟

سوال: ایک امام اپنی پیٹھ میں تکلیف کی وجہ سے صحیح سے رکوع نہیں کرسکتا نیز گھٹنے میں درد کی وجہ سے صحیح سے بیٹھ نہیں سکتاتو کیا اس سے ان کی اور دیگر مصلیوں کی نماز پر کوئی اثر پڑے گا؟ براہ کرم، رہنمائی فرمائیں۔

جواب نمبر: 17376201-Sep-2020 : تاریخ اشاعت

بسم الله الرحمن الرحيم

Fatwa : 158-125/H=02/1441

پیٹھ میں تکلیف اور گھٹنے میں دَرد کی وجہ سے تندرست آدمی کی طرح رکوع نہ کر سکے اور صحیح سے نہ بیٹھ سکے لیکن رکوع سجدہ کے ساتھ نماز پڑھے اور پڑھائے تو ایسے شخص کی خود اپنی نماز بھی اور اس کی اقتداء میں مقتدیوں کی نماز بھی درست ہو جاتی ہے یہ تکلیف اور دَرد مانع صحت اقتداء نہیں ہے؛ البتہ تکلیف و دَرد کے ختم ہونے تک کوئی تندرست آدمی نماز پڑھا دیا کرے تو بہتر ہے جب کہ وہ تندرست آدمی اوصافِ امامت سے متصف ہو۔