عنوان: اوپر والے ہونٹ کا آدھا حصہ کٹاہوا ہے کیا اس بکرے کی قربانی درست ہے ؟

سوال: ایک بکرا ہے جس کے اوپر والے ہونٹ کا آدھا حصہ کٹاہوا ہے کیا اس بکرے کی قربانی درست ہے ؟ یا یہ عیب مانع جوازقربانی ہے ؟ بکرے کو اس کی وجہ سے چرنے اور پانی پینے میں کوئی دقت پیش نہیں آتی با حوالہ جواب عنایت فرما کر شکریہ کا موقع عنایت فرمائیں ۔

جواب نمبر: 16503101-Sep-2020 : تاریخ اشاعت

بسم الله الرحمن الرحيم

Fatwa : 1434-1327/M=1/1440

صورت مسئولہ میں اگر بکرے کو اس کی وجہ سے چرنے اور کھانے پینے میں کوئی دقت و پریشانی نہیں ہوتی ہے تو اس کی قربانی درست ہے۔ لو کانت الشاة مقطوعة اللسان ہل تجوز التضیحة بہا؟ فقال نعم إن کان لایخل باالاعتلاف ۔ وإن کان یخل بہ لاتجوز التضیحة بہا (ہندیہ: ۵/۲۹۸)۔