متفرقات - دیگر

India

سوال # 173758

کیا فرماتے ہیں مفتیان عظام مسئلہ ذیل کے بارے میں کہ خالد ایک ایپ کا استعمال کرتا ہے جس کا نام ٹک ٹوک ہے اور اس پر ہر طرح کے ویڈیوز اپلوڈ کی جاتی ہیں خالد بھی ایک خواہش رکھتا ہے کہ وہ بھی نیک اور بھلی باتوں کی ویڈیوز یا اوڈیوز بے جان کی شکل میں بنا کر اپلوڈ کرے تاکہ اس کو دیکھ کر نوجوان بھائیوں کی اصلاح ہو سکے تو یہ عمل کرنا کیسا ہے ؟ اور اس سے جو رقم حاصل ہوگی اس کا کیا حکم ہے نیز اگر بیانات وغیرہ جاندار کی ویڈیوز کی شکل میں اپلوڈ کرے تو کیا حکم ہے ؟ برائے کرم قرآن وحدیث کی روشنی میں وضاحت کے ساتھ مدلل جواب عنایت فرمائیں۔

Published on: Oct 17, 2019

جواب # 173758

بسم الله الرحمن الرحيم


Fatwa : 145-116/M=02/1441



دینی بیانات اور بھلی باتوں کی آوڈیوز بناکر اَپلوڈ کرنا اور اس پر جائز طریقے پر پیسے کمانا، ناجائز نہیں، لیکن جاندار و ممنوعہ تصویر پر مشتمل ویڈیوز بنانا اور اَپلوڈ کرکے رقم حاصل کرنا ، ناجائز و غلط ہے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات