متعلقہ سوالات

میں نے خواب میں دیکھا کہ میں انڈیا اپنے گھر گئی میرا بیٹا میرے ساتھ تھا ۔ جب گھر پہنچے تو دیکھا کہ اس گھر میں شادی ہورہی ہے ہمارے خاندان کے سارے لوگ بیٹھے ہوئے ہیں ،میں بھی حیرانی سے دیکھ کر شادی میں شرکت کرنے بیٹھ جاتی ہوں کہ میری امی (مرحومہ) بھی آتی ہیں پھر میرے میاں (مرحوم) اوپر آسمان کی طرف سے اتر کر آتے ہیں ہاتھ میں ایک چھتری پکڑے ہوئے اچھے کپڑے پہنے ہوئے لیکن نیچے نہیں اترتے بلکہ زمین سے دس فٹ اوپر رک جاتے ہیں ۔ میں ان کو دیکھ کر رونا شروع کردیتی ہوں کہ آپ ہمیں چھوڑ کر کیوں چلے گئے برائے کرم آجاؤ نا۔ میں یہ کہتی ہوں اور روتی ہوں وہ مسکراکر غائب ہوجاتے ہیں ۔پھر میں شادی میں شریک نہیں ہوتی ہوں اور ان لوگوں سے کہتی ہوں کہ آپ لوگ پردے کا انتظام نہیں کئے اور ویڈیو گرافر آرہے ہیں اس لیے میں شادی میں نہیں رک سکتی اور چلی جاتی ہوں۔ جواب دے کر اجر پائیے۔

میری امی نے نو سال پہلے جب ہم نے ایک LML کی موٹر سائیکل خریدا تھا تو ایک خواب دیکھا تھا خواب یہ ہے کہ نبی کریم صلی اللہ علیہ وسلم کسی چیز میں بیٹھ کر آئے او رکہے کہ تم گڈھے میں گر گئے ہو، مہربانی کرکے اس خواب کی تعبیر بتائیں۔ اس وقت ہمارے گھر میں اتنی دین داری نہیں تھی جتنی اللہ کے کرم سے اب ہے۔ اللہ کے کرم سے گھر میں سبھیلوگ پابندی سے نماز پڑھتے ہیں او ردعوت تبلیغ کے کام سے جڑے ہوئے ہیں۔ میرے لیے دعا فرماویں۔

میں نے ایک خواب دیکھا۔ دیکھتا ہوں کہ باہر زبردست بارش ہے۔ اپنے دوست کے ساتھ میں کہیں جارہا ہوں۔ یاد آیا امی سے مل لوں۔ تو ماں کے پاس گھر آیا جیسے ہی ماں کے بازو میں بیٹھا آسمان سے بادل کی طرح ہماری طرف کوئی بڑی سی چیز آنے لگی۔ فوراً کلمہ پڑھنے لگا۔ کلمہ پڑھتے پڑھتے وہ چیز سامنے آتی گئی اورکلمہ پڑھتے پڑھتے میری موت ہوگئی ۔ میں موت کے وقت سوچ رہا تھا کہ اب تو موت ہوگئی ہے اس جسم کو کیڑے کچھ دن بعد کھا لیں گے۔ تو یہ خواب کی تعبیر برائے مہربانی جلد از جلد بتائیں ۔ جب میں اٹھا تو فجر کو کچھ وقت باقی تھا، پانچ دس منٹ کے بعد فجر کی اذان ہوئی اور میں نے اٹھ کر نماز پڑھی۔

میں نے خواب دیکھاکہ میں سفید کپڑے دھوکر بہت خوش ہوں چونکہ جو کپڑے میں دھوئے وہ بہت زیادہ سفید تھے ۔ براہ کرم، اس خواب کی تعبیر بتائیں۔

یہ ایک خواب ہے۔ کل بروز7جولائی میں نے دیکھا کہ میری امی نے مجھے کچھ پیسے دئے کہ میں مارکیٹ سے بٹن لے کر آؤں۔ پیسے مجھے کم لگے مگرمیں چلا گیا اور اپنی طرف سے بھی پیسے نہ رکھے۔ پھر میں ایک دکان گیا۔ میں اس دکان میں نہیں جانا چاہ رہا تھا مگر میں نے سوچا کہ شاید یہیں سے کچھ مل جائے۔ دکان چھوٹی تھی۔ دکان کے اند رگیا تو دیکھاکہ میری خالہ بھی موجود ہیں۔ امی سب سے بڑی بہن ہیں اور خالہ کا نمبر بہنوں میں پانچواں ہے۔ پھر میں خالہ کے ساتھ مل کربٹن دیکھنے لگتا ہوں۔ کچھ اچھے نہیں لگتے اورکچھ مہنگے تھے۔ پھر خالہ نے تین بٹن کا سیٹ پسند کیا۔ اس کا رنگ کالا تھا مگر دیکھنے میں بہت جاذب لگ رہا تھا، اور قیمت بھی زیادہ تھی اوران بٹن کا سائز بھی بڑا تھا۔ خالہ کہتی ہیں کہ یہ لے لو،مگر میں کہتا ہوں کہ یہ بٹن مہنگے ہیں اورمیں اتنے پیسے لے کر نہیں آیا ہوں۔ خالہ نے کہا کہ یہ میری طرف سے باجی (میری امی) کو تحفہ دے دینا۔ دکان دار ان بٹن کو پیک کرنے لگتا ہے تو میں کھڑا ہوجاتا ہوں اور دکان دار سے کہتا ہوں کہ اگر تم نے ایسا کیا تو میری اورتمہاری بات خراب ہوجائے گی۔ میرا کہنا ایسا ہوتا ہے کہ اگر دکان دار نے ان بٹن کو پیک کردیا تو مجھے لینا پڑجائے گا۔ مگر میں دکان سے باہر آجاتا ہوں اور اتنے میں میری آنکھ کھل جاتی ہے۔ یہ خواب میں نے ظہر کے بعد دیکھا تھا۔ بڑی گہری نیند میں تھا مگر جیسے ہی اٹھا تو یہ میرے دماغ میں بس گیا اور ابھی تک ہے۔