متفرقات >> دیگر
سوال نمبر: 169944
جواب نمبر: 169944
بسم الله الرحمن الرحيم
Fatwa:756-672/N=9/1440
(۱): حفظ کی جس پوسٹ پر خالد کی تقرری عمل میں آئی ہے، اگر خالد حافظ نہ ہونے کے باوجود اُس پوسٹ کی متعلقہ ذمہ داریاں انجام دے سکتا ہے تو اُس کی یہ تقرری جائز ہے اور خالد کا متعلقہ ذمہ داریوں کی انجام دہی پر تنخواہ لینا بھی درست ہے؛ البتہ ذمہ داران کو چاہیے تھا کہ اگر کوئی حافظ وہ ذمہ داریاں بہتر طریقہ پر انجام دے سکتا ہے تو حافظ کا تقرر کرتے ۔
(۲): اگر خالد نے متعینہ مدت میں وعدہ کی تکمیل نہیں کی تو ذمہ داران کو اُسے حفظ کی پوسٹ سے سبک دوش کرنے کا حق ہوگا۔ اور اگر ذمہ داران اسے سبک دوش نہیں کرتے ہیں؛ بلکہ اس کی حسن کارکردگی کی وجہ سے باقی رکھتے ہیں تو خالد کا حفظ کی پوسٹ پر باقی رہنا اور متعلقہ ذمہ داریوں کی انجام دہی پر تنخواہ لینا ناجائز نہ ہوگا۔
واللہ تعالیٰ اعلم
دارالافتاء،
دارالعلوم دیوبند