متعلقہ سوالات

21اگست کی رات رمضان سے دو دن پہلے میں نے ایک خواب دیکھا کہ میں عربی رسم الخط میں قرآن پڑھ رہا تھا اس قرآن میں پورے زیر و زبر نہیں تھے،لیکن میں عمدہ طریقے پر پڑھ رہا تھا۔ حضرت اس کا کیا مطلب ہے؟ دراصل اس سال میں نے رمضان میں دو مرتبہ قرآن مکمل کرنے کی نیت کی ہے۔ کیا یہ خواب اس سے کوئی تعلق رکھتاہے؟ برائے کرم مشورہ عنایت فرماویں ، اور تعبیر بیان کریں۔

مکہ مکرمہ اور مدینہ منورہ کی زیارت کیسے ہو؟

میری لڑکی کے لیے ایک سعودی آدمی کا رشتہ آیا جو کہ اچھے اور نیک ہیں اور امام مسجد ہیں (لڑکی مطلقہ ہے اس کے دو بچے ہیں)۔ تب میں نے استخارہ کیا، خواب میں دیکھا کہ میں منی کے میدان میں ہوں۔ خیموں کے باہر پانی کی بڑی بڑی چار ٹنکیاں رکھی ہیں۔ ایک صاحب جن کا نام عبدالکریم ہے ، میرے میاں کے ان سے قریبی تعلقات تھے، ان کا انتقال ہوئے تین دن ہوا ،وہ اپنی ان ٹنکیوں میں پانی بھر رہے ہیں۔ اتنے میں دوسرے لوگ آکر پانی استعمال کرتے ہیں ۔میں کہتی ہوں کہ وہ ضعیف شخص اپنی بھررہا ہے اور دوسرے کیوں استعمال کررہے ہیں، تم سب کو چاہیے کہ پانی لے آؤ ۔پھر میں وہاں سے نکل کر جارہی ہوتی ہوں۔ حاجیوں کی بسیں کھڑی تھیں لوگ سوار ہورہے تھے ایک بس نکل رہی تھی تو ایک میری ملنے والی ایک مٹھائی کا ڈبہ لیے تیزی سے تقریباً بھاگتی ہوئی آتی ہے اور کہتی ہے اس بس کو روکو مٹھائی تقسیم کرنا ہے۔ میں جلدی سے رکواتی ہوں اور وہ بانٹنے جاتی ہے۔ مجھے معلوم ہوتا ہے کہ اس ڈبے میں کیک ہیں۔ اس کا کیا مطلب ہوگا؟ کیا ہمیں اس رشتہ کو قبول کرنا چاہیے؟ مہربانی ہوگی جلد جواب دیں۔

میں نے آج سے سات مہینہ پہلے صبح صادق سے پہلے ایک خواب دیکھا۔ میں اپنے آپ کو شمالی ممبئی کے کسی حصہ میں دیکھتا ہوں۔ اور دیکھتا ہوں کہ وقت کا حاکم یعنی مہارشٹر کا چیف منسٹر ولاس راؤ دیش مکھ میرے ساتھ ہے۔ وہ میری طرف مسکرا کر دیکھ رہا ہے مگر بات نہیں کررہا ہے۔ اتنے میں وہ اپنی کلائی سے اپنی گھڑی اٹھاکر میرے ہاتھ کی کلائی میں باندھتا ہے۔ وہ گھڑی نہایت قیمتی اور خوبصورت تھی۔ اس کے بعد میری آنکھ کھل گئی۔ میں ایک نوکری پیشہ آدمی ہوں۔کیا یہ سیاست کی طرف میرے لیے اشارہ ہے؟ یا کچھ اور؟ (۲) اس کے کچھ روز بعد ایک اور خواب اسی وقت آیا کہ ایک جگہ ہے وہاں ایک دیوار ہے اور میں دیوار کے اس پار بھی دیکھ سکتا ہوں۔ میں دیکھتا ہوں کہ دیوار کے پیچھے ایک تاج ہے جس میں بیش بہا قیمتی جواہرات لگے ہیں اور ساتھ میں ایک صندوق جوپورا یاقوت سے بھرا ہوا ہے۔ میں دیوار کے اس پار جاتا ہوں اور صندوق کھول کے دیکھتا ہوں۔ اس کے بعد آنکھ کھل جاتی ہے۔ برائے مہربانی اس کی تعبیر بتائیں۔(۳) خواب دیکھنے کے اوقات بھی بتائیں۔

فضائل اعمال (مولانا زکریا کاندھلوی رحمة اللہ علیہ) میں یہ درود مذکور ہے: صلی اللہ علیک یا محمد کچھ لوگوں کا یہ اعتراض ہے کہ یہ درود صرف مدینہ میں آ پ صلی اللہ علیہ وسلم کے کے روضہء اقدس کے پاس پڑھی جائے گی، اور کہیں دوسری جگہ نہیں پڑھی جائے گی۔ کیا یہ اعتراض بجا ہے؟ براہ کرم، جوب دیں۔ سلسلہ چشتیہ اس درود کو ماتنے ہیں۔