India
سوال # 168348
Published on: Feb 10, 2019
جواب # 168348
بسم الله الرحمن الرحيم
Fatwa : 566-512/M=06/1440
آپ اپنی تعلیم مکمل کرنا چاہتے ہیں تو کرسکتے ہیں، آپ کی نیت محض اللہ کی رضا و خوشنودی کے لئے تکمیل کی ہے تو اس خلوص و للہیت کو برقرار رکھیں اور دوسرے خیالات کی طرف توجہ نہ کریں، آپ شادی شدہ ہیں تو بیوی بچوں کے اخراجات کا بھی مسئلہ ہے، اگر بیوی بچوں کے حقوق کی ادائیگی کے ساتھ تعلیم کی تکمیل ممکن ہو تو تعلیم مکمل کرلینا بہتر ہے، اور اگر تجارتی و معاشی مصروفیت کی وجہ سے باضابطہ داخلہ لے کر تعلیم کا حصول دشوار ہو تو تجارت کے ساتھ خارجی اوقات میں پڑھنے کا نظم بناسکتے ہیں، اس بارے میں مقامی کسی معتبر و مستند عالم سے رابطہ و مشورہ کرلیں۔ والدین کے لئے ” رب ارحمہما “ والی دعا بہت جامع اور عمدہ ہے یہ قرآنی دعا ہے اس کو مانگنے کا اہتمام کریں اور ایصال ثواب کی کوئی صورت متعین نہیں ہے، صدقہ خیرات تلاوت و نماز، اطعام طعام و دیگر مالی و بدنی عبادات کے ذریعہ والدین کو ثواب پہونچاسکتے ہیں، ان کے نام سے مسجد و دینی مدرسہ وغیرہ کی تعمیر بھی کراسکتے ہیں۔
واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
میں داکٹر ذاکر نائک (ممبئی) اور ڈاکٹر اسرار احمد (پاکستان) کے سلسلے میں معلوم کرنا چاہتا ہوں جو لوگوں میں دعوت و تبلیغ کا کام کرتے ہیں۔ ان لوگوں کے بارے میں علمائے دارالعلوم کی رائے کیا ہے؟ کیا عام مسلمان آنکھ بند کر کے ان کی باتیں مان سکتا ہے؟
میرے اہل خانہ اور بچے بار بارخواب میں سانپ دیکھتے ہیں جواُن کے ہاتھوں میں کاٹتا ہے۔ از راہ کرم، اس خواب کی تعبیر ارسال فرمادیں۔
دو ماہ پہلے میں نے ایک خواب دیکھا تھا کہ میں خانہٴ کعبہ میں ہوں اور ایک لمبے سے شخص نے کعبے کے اندر کا گیٹ کھولا اور میں اس میں داخل ہوا اور دیکھتا ہوں کہ اندر کچھ لوگ (مرد و عورت) نماز پڑھ رہے ہیں۔ اور ایک کونے میں پردے پر فلم چل رہی ہے، میں لوگوں سے اور اپنے آپ سے پوچھ رہا ہوں کہ یہ خانہٴ کعبہ کے اندر کیا ہورہا ہے۔ میرا یہ خواب خانہٴ کعبہ کے اندر کا ہے، جس میں عام لوگوں کو اجازت نہیں ہے جانے کی۔ براہ کرم، اس کی تعبیر بتائیں۔
اگر اس کا شبہہ ہو کہ کسی نے جادو کیا ہے، تو اس سلسلے میں جانکاری حاصل کرنے اور اس کے اثر سے بچنے کا صحیح طریقہ کیا ہے؟یہاں مسئلہ یہ ہے کہ کچھ لوگ ہیں جو مختلف ذرائع سے لوگوں کو بے وقوف بنانے کا دھندہ اختیار کیے ہوئے ہیں ، ان کے جھانسے میں بہت سے لوگ عموماً عورتیں آجاتی ہیں۔ میں ان کے پاس جاکر ان سے معلوم نہیں کرنا چاہتا ہوں کیوں کہ صحیح کو غلط سے امتیاز کرنا بڑا مشکل ہے۔ اس سلسلے میں آپ کی مدد کی ضرورت ہے۔
گذشتہ جمعہ میں نے خواب میں دیکھا کہ میرے ماموں زاد بھائی کی گردن قصاص میں ماری جارہی ہے۔ مہربانی فرماکر تعبیر ارسال فرمائیں۔
براہ کرم، شافعی مذہب میں جمع بین الصلاتین کے متعلق میری رہ نمائی فرمائیں۔کیا نمازوں کو جمع کرنے کا کوئی متعین وقت ہے؟ یا نماز مغرب کو عشاء کے ساتھ دیر رات کو پڑھا جاسکتا ہے؟میں نے کچھ حدیثیں دیکھیں ، اس میں لکھا تھا کہ رسول اللہ صلی اللہ علیہ وسلم نے نماز مغرب کے بالکل آخری وقت میں مغرب پڑھی اور عشاء کے بالکل ابتدائی وقت میں عشاء پڑھی۔
میری بیوی نے کچھ خواب دیکھے ہیں، ہمیں ان کی تعبیر کے سلسلے میں شبہات ہیں۔ براہ کرم، تعبیر سے مطلع فرمائیں۔