متفرقات - دیگر

India

سوال # 167465

کیا مختصر میں السلام علیکم کی جگہ سلام اور صلی اللہ علیہ وسلم کی جگہ صلعم اور رضی اللہ تعالی عنہ کی جگہ رض لکھ سکتے ہیں براہ کرم قرآن و حدیث کی روشنی میں جواب عنایت فرمائیں۔

Published on: Dec 20, 2018

جواب # 167465

بسم الله الرحمن الرحيم


Fatwa:333-265/sd=4/1440



حضور صلی اللہ علیہ وسلم کے نام مبارک لکھنے کے بعدمکمل درود کے بجائے صلعم لکھنا کافی نہیں ہے ، اس میں بے ادبی کا اندیشہ ہے ، پورا درود لکھنا چاہیے ، تخفیفاً درود لکھنے سے درود شریف کا وجوب یا استحباب ساقط نہ ہوگا ، پورا ثواب جب ہی مل سکتا ہے کہ جب پورا درود شریف لکھا جائے ۔ (مستفاد:فتاوی دارالعلوم ۱۷/۱۱۳ )اسی طرح صحابہ کرام کے نام لکھنے کے بعد رضی اللہ عنہ مکمل لکھنا چاہیے ۔ ( آداب افتاء و استفتاء ، بحوالہ القول الجلیل ، ملفوظ نمبر :۲۰) ؛ البتہ السلام علیکم کے بجائے صرف سلام لکھنے کی گنجائش ہے ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات