متعلقہ سوالات

میں ایک خواب کی تعبیر پوچھنا چاہتا ہوں کہ میرے بھائی نے خواب دیکھا ہے کہ میں بیت اللہ میں نماز پڑھا رہا ہوں اور شیخ عبدالرحمن السدیس بھی مقتدی ہیں۔ اور دعا بھی کریں اگر ان میں کوئی شر ہے تو اللہ اس سے میری حفاظت فرمائے۔

میں نے بوقت صبح صادق یہ خواب دیکھا ہے کہ کفن میں ملبوس ایک مردہ کو کسی انجان آدمی کے سہارے اپنے ہاتھوں سے اٹھاکر دفن کرنے کے لیے قبر میں رکھنے جارہاہوں۔اچانک میرے ہاتھوں سے مردہ قبر کے قریب گر گیا، اس لیے کہ مجھے بہت زیادہ بوجھ محسوس ہوا ، لیکن دفن نہیں کر پایا چونکہ مردہ میرے ہاتھوں سے قبر کے باہر ہی گر چکا تھا۔ براہ کرم، اس کی تعبیربتائیں۔

میں ڈاکٹر ی پیشہ سے تعلق رکھتا ہوں اوراس شعبہ میں آگے مزید پڑھائی کررہا ہوں۔ الحمد للہ لاتور کے اجتماع میں نیک صالحہ بیوی سے میرانکاح ہوا اوروہ الحمد للہ آٹھ ماہ کی حاملہ ہے۔ الحمد للہ اکثر جماعتوں میں بھی جاتا ہوں اور نمازوں کی بھی پابندی ہے۔ کبھی کبھی نماز جماعت سے نہیں ہوتی تنہا ادا کرلیتا ہوں۔ پیشہ کی وجہ سے غیر مسلموں سے بھی اختلاط رہتا ہے۔ الحمد للہ تین مرتبہ نبی کریم صلی اللہ علیہ وسلم کی زیارت خواب میں ہوئی تعبیر طلب ہے۔ سب سے پہلے غالباً جب میں ایم بی بی ایس کی پڑھائی کررہا تھا توخواب دیکھا کہ مسجد میں ہوں،جماعت کا وقت ہوچکا ہے، صفیں لگی ہوئی ہیں، تبھی کوئی کہتا ہے کہ رک جاؤ نماز پڑھانے کے لیے حضور صلی اللہ علیہ وسلم تشریف لا رہے ہیں۔ کیا دیکھتا ہوں کہ آپ صلی اللہ علیہ وسلم سفید داڑھی ،سفید لباس ،خوبصورت چہرہ، سیڑھیوں سے اتر کر تشریف لائے۔ درمیان میں دوسری مرتبہ خواب دیکھا کہ میں ایک نامعلوم جگہ کھڑا ہوں ۔اور سوچ رہا ہوں کہ کون سا طریقہ اللہ کو سب سے زیادہ محبوب ہے۔ تو کیا دیکھتا ہوں کہ ایک جانب سے حضرت عیسی علیہ السلام (دراز قد، لمبی زلف) چل کر آرہے ہیں۔ پھر نبی کریم صلی اللہ علیہ وسلم اٹھے اور چل کر آئے (اسی چال سے جس کا تذکرہ سیرت کی کتابوں میں پڑھا ہے اور حلیہ مبارک بھی پہلے جیسا ہی ہے) اور غالباً مجھ سے کہا یہ میرے دل میں بات آئی کہ یہ طریقہ اللہ کو سب سے زیادہ محبوب ہے۔ اور ابھی کچھ روز پہلے تیسری مرتبہ پھر آپ صلی اللہ علیہ وسلم کو خواب میں دیکھا، بالکل وہی چہرہ ہے جو پہلی مرتبہ دیکھا تھا مگر اس مرتبہ چہرہ انور پر تراشی ہوئی ہلکی سی کالی داڑھی ہے۔ آخری خواب کی وجہ سے بے چینی ہے بار بار خیال آتا ہے کہ اس کا کیا مطلب ہوسکتا ہے۔ اللہ سب خیر فرمائے۔ آپ سے ہم دونوں میاں بیوی اور آنے والے بچے کے لیے دعاؤں کی گزارش۔

میں ایک سوال پوچھنا چاہتاہوں۔ ہماری بستی ککشی میں مسلمانوں کی دلی ، آپسی محبت کو بڑھانے او رآپس کے اختلافات کو دور کرنے کی غرض سے اور پوری قوم کو ایک پلیٹ فارم پر لانے کی غرض سے ایک شہر مسلمان کمیٹی بنائی گئی ہے، جس کمیٹی میں قوم کے سبھی طبقوں سے چند اشخاص کو لیا گیا ہے جو کہ اپنے اپنے طبقوں کی نمائندگی کرتے ہیں۔ بارہ ربیع الاول کے موقع پر شہر کمیٹی نے پورے شہر کے کھانے کا اہتمام اور انتظام کیا اوراس کام میں جو بھی خرچہ آیا اس کو قوم کے چند حضرات نے مل کر خوشی خوشی چکایا (گویا چند حضرات نے ملاکر دعوت کی)۔ اس پروگرام کا مقصد مسلمانوں کے آپسی اختلافات کو دور کرنا اور غیرقوم کو یہ پیغام دینا ہے کہ ہم سبھی آپس میں ایک ہیں اور ہمیں کوئی اختلاف نہیں ہے۔ اس پروگرام کا مقصد یہ بھی ہے کہ کسی کسی موقع پر پوری قوم ساتھ مل کر کھانا کھا لے تاکہ ہمارے درمیان ایک دلی محبت باقی رہے۔ قرآن اور حدیث کی روشنی میں جواب دینے کی تکلیف کریں کہ یہ پروگرام صحیح ہے یا غلط ہے؟