متعلقہ سوالات

زید کہتاہے کہ اللہ تعالی نے نبی اکرم صلی اللہ علیہ وسلم کو علم غیب عطافرمایاتھا اور تمام مخلوقات سے زیادہ علم عطافرمایاتھا ، وہ یہ بھی کہتاہے کہ اس علم غیب سے مراد اللہ تعالی کا عطاکردہ ہے ، اللہ تعالی کے بتانے سے نبی اکرم صلی اللہ علیہ وسلم کو علم غیب تھا ، آپ صلی اللہ علیہ وسلم خود سے نہیں جانتے تھے اور اللہ تعالی نے زمین وآسمان میں جو کچھ ہے اس کا علم نبی اکرم صلی اللہ علیہ وسلم عطا فرمادیاتھایہ بعض غیوب کی خبر ہے۔ اگر کل کا لفظ استعمال کریں تو یہاں مخلوق کے مقابلے میں کل کا لفظ استعمال ہوگا، خالق کے مقابلے نہیں ، اور کہتاہے کہ اللہ کے علم غیب سے برابری تو دور نبی کا علم غیب اللہ کے علم غیب سے کچھ نسبت بھی نہیں رکھتاہے، کیونکہ نبی کا علم مخلوق ہے اور خالق کااپنا ذاتی ہے۔ جبکہ بکر کہتاہے کہ نبی پاک صلی اللہ علیہ وسلم کو اللہ تعالی نے علم غیب عطانہیں فرمایاتھا، علم غیب نہ ذاتی ہوتاہے اور نہ عطائی ، اس میں فرق نہیں کرنا چاہئیاور علم غیب صرف اللہ عزو جل شانہ کے ساتھ مخصوص ہے، اللہ تعالی نے اپنے محبوب بندوں کو بھی غیب کا علم نہیں دیتاہے۔ براہ کرم، اس جانب میری رہ نمائی فرمائیں۔

میں علم تعبیر الرویا کے بارے میں چند سوال دریافت کرنا چاہتاہوں۔ (۱) یہ علم کیسے حاصل کیا جاتاہے؟ (۲) اس علم کو حاصل کرنے کی بنیادی شرطیں کیا ہیں؟ (۳)اس علم کے عملی فوائد کیا ہیں؟ (۴) اگر خواب ایک شخص کی زندگی پرکسی بھی صورت میں اثر اندازنہیں ہوتے ہیں تو پھر رسول اللہ صلی اللہ علیہ وسلم نے برے خواب کے شر سے بچنے کے لیے تین مرتبہ تھوک کرکے اعوذ باللہ پڑھنے کا مشورہ کیوں دیا؟ (۵) کیا ایسا کوئی راستہ ہے جس کے ذریعہ وہ شخص جو کہ بہت زیادہ خواب دیکھتاہے اور جو کچھ وہ دیکھتا ہے اس سے پریشان رہتاہے اس سے رک جائے؟