متفرقات >> دیگر
سوال نمبر: 145713
جواب نمبر: 145713
بسم الله الرحمن الرحيم
Fatwa ID: 97-265/H=4/1438
لغت کے لحاظ سے تو علم کے مفہوم میں بہت توسع ہے، نظامِ سیارات وبارش اور پیدائش واعضاء وغیرہ کے جاننے اور ان کے متعلقات کی معلومات حاصل کرنے پر علم کا اطلاق کیا جاسکتا ہے مگر اصطلاحِ شرع میں علم سے مراد قرآنِ کریم حدیث شریف اور دینی احکام کا علم ہی ہوتا ہے۔ الغرض اللہ جل شانہ اور حضرت نبی اکرم صلی اللہ تعالیٰ علیہ وسلم کی رضاوٴ خوشنودی جن علوم سے حاصل ہوتی ہے وہ درحقیقت علم ہے اور جن امور کا تعلق اصالةً کسبِ معاش کے قبیل سے ہو ان امور کے حاصل کرنے کو فن اور ہنر سے تعبیر کیا جاتا ہے۔ شریعت مطہرہ نے کسی فن یا ہنر کو سیکھنے اور سکھانے سے ممانعت نہیں فرمائی بلکہ حدودِ شرعیہ میں رہتے ہوئے ان کو حاصل کرنا مطلوب ہے البتہ بقدر ضرورت علم دین کا حاصل کرنا فرض عین ہے۔
واللہ تعالیٰ اعلم
دارالافتاء،
دارالعلوم دیوبند