معاملات >> دیگر معاملات
سوال نمبر: 171108
جواب نمبر: 171108
بسم الله الرحمن الرحيم
Fatwa:897-787/sd=11/1440
ہیوی ڈپازٹ دے کر متعارف کرایہ سے کم پر کرایہ داری کا معاملہ کرنا جائز نہیں؛ کیوں کہ کرایہ داری کے معاملہ میں کرایہ دار ڈپازٹ کے نام پر مکان مالک کو جو رقم دیتا ہے، وہ شرعاً بہ حکم قرض ہوتی ہے، اور مکان مالک ڈپازٹ ہی کی بنیاد پر اس سے متعارف کرایہ سے کم کرایہ لیتا ہے ؛ جب کہ شریعت میں قرض خالص تبرع اور احسان کا معاملہ ہے، قرض کی وجہ سے مقروض سے کوئی بھی نفع حاصل کرنا جائز نہیں، وہ بہ حکم سود ہوتا ہے ؛ اس لیے صورت مسئولہ میں ہیوی ڈپازٹ دے کرمتعارف کرایہ سے کم پر کرایہ داری کا معاملہ کرنا شرعاً جائز نہیں ہے۔
واللہ تعالیٰ اعلم
دارالافتاء،
دارالعلوم دیوبند