معاشرت >> نکاح
سوال نمبر: 150100
جواب نمبر: 150100
بسم الله الرحمن الرحيم
Fatwa: 727-708/B=7/1438
شادی کے بعد لڑکی کا اپنے نام کے ساتھ شوہر کا نام جوڑنا، یہ محض ایک فیشن ہے، شریعتِ اسلام میں اس کی کوئی اصل نہیں۔ ازواجِ مطہرات میں سے کسی نے بھی اپنے نام کے ساتھ رسول اللہ صلی اللہ علیہ وسلم کے نام کو نہیں جوڑا، بس جو نام پہلے سے بیوی کا ہے وہی باقی رہنے دینا چاہیے۔ اگر کہیں تعارف کی وجہ سے ایسا کیا تو کرسکتی ہے۔
----------------------------------
جواب صحیح ہے، البتہ مزید یہ عرض ہے کہ اگر عورت شادی کے بعد اپنے نام کے ساتھ شوہر کا نام لگائے مثلاً فاطمہ عبد اللہ تو مطلب فاطمہ زوجہٴ عبد اللہ ہوگا، فاطمہ بنت عبد اللہ نہ ہوگا۔ (ن)
واللہ تعالیٰ اعلم
دارالافتاء،
دارالعلوم دیوبند