عبادات >> جمعہ و عیدین
سوال نمبر: 172577
جواب نمبر: 172577
بسم الله الرحمن الرحيم
Fatwa : 1253-1085/B=12/1440
ہمارے یہاں احناف کے نزدیک جمعہ کے لئے شہر یا قصبہ کا ہونا ضروری ہے یا ایسا قریہ کبیرہ جو مثل قصبہ کے ہو جہاں کم سے کم 3-4 ہزرا کی آبادی ہو، وہاں روز مرہ کی ضروریات مل جاتی ہوں، وہاں متعدد گلیاں ہوں، آنے جانے کے لئے سواریوں کی سہولت ہو، وہاں مدنیت ہو، جمعہ کے لئے اِذن عام ہو۔ چھوٹے گاوٴں میں جمعہ جائز نہیں۔ لا جمعة إلا فی مصر جامع ۔ اور در مختار میں ہے: وتقع فرضاً فی القصبات والقری الکبیرة التی فیہا اسواق ، الخ قال فی الشامی: وفیما ذکرنا إشارة إلی أنہا لا تجوز فی الصغیرة (شامی باب الجمعة) ۔
واللہ تعالیٰ اعلم
دارالافتاء،
دارالعلوم دیوبند