متفرقات - اسلامی نام

Saudi Arabia

سوال # 168243

میرے بھائی کے بچوں کے نام کچھ ایسے ہیں" ماہین کامران"، "حامیہ کامران"،" عبیرہ کامران "۔براہ مہربانی ان کا مطلب بتا دیں اور کیا یہ نام رکھنا درست ہے ؟

Published on: Feb 3, 2019

جواب # 168243

بسم الله الرحمن الرحيم


Fatwa : 543-490/M=05/1440



مذکورہ نام کا آخری جز یعنی (کامران) تو بامعنی اور صحیح ہے اس کے معنی: کامیاب، بامراد کے ہیں، اس لئے اس لفظ کو نام کا جز بناسکتے ہیں۔



”عبیر“ ایک خوشبودار سفوف کو کہتے ہیں، اس اعتبار سے ”عبیرہ کامران“ بچی کا نام رکھ سکتے ہیں۔ ”حامیہ“ (حامی و مددگار کے معنی میں نام رکھنے کی گنجائش ہے، لیکن اس کا ایک معنی تیز گرم بھی ہے) اس لئے اچھا یہ ہے کہ اس کے بجائے دوسرا بہتر نام تجویز کرلیں، اسی طرح ”ماہین“ کو بدل کر دوسرا بہتر نام رکھ لیں۔



اگر بچوں کے نام مطلوب ہیں تو چند یہ ہیں: حسان، صفوان، سلمان، سعید، رشید، محمود وغیرہا اور بچی کے لئے چند نام یہ ہیں: عاتکہ، خنساء، سعدیہ، حفصہ، میمونہ، خدیجہ، فاطمہ وغیرہا۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات