معاملات >> سود و انشورنس
سوال نمبر: 68992
جواب نمبر: 68992
بسم الله الرحمن الرحيم
Fatwa ID: 550-550/M=10/1437 (۱) اس غرض کے لئے بینک سے سودی رقم لینا درست نہیں۔ (۲) مسافت شرعی کا سفر عورت کے لئے شوہر یا محرم کے بغیر طے کرنا درست نہیں، اور محرم کے لئے عقل و بلوغ شرط ہے بچہ ساتھ ہونا کافی نہیں۔ (۳) گنجائش ہے، او رہر مسلمان پر نمازوں کی پابندی لازم ہے حضرت مفتی تقی عثمانی صاحب دام فیوضہم لکھتے ہیں: ”قرآن کریم کی آیات یا سورتوں کی تلاوت اگر کسی دنیاوی مقصد کے لئے علاج کے لئے یا روزگار حاصل کرنے یا قرضوں کی ادائیگی کے لئے کی گئی تو اس میں تلاوت کا ثواب نہیں ہوگا لہذا وہ طاعت ہی نہیں وہ علاج کا ایک طریقہ ہے جو مباح ہے۔ چونکہ طاعت نہیں اس لئے اس پر اجرت لینا بھی جائز ہے ․․․ اسی طرح جو خاص دنیاوی مقاصد کے لئے ختم وغیرہ کراتے ہیں ان کی اجرت بھی جائز ہے۔“ (اسلام اور جدید معاشی مسائل ۴/۱۳۰) (۴) اگر صف یا اسفنج وغیرہ کا گدہ اتنا نرم ہے کہ اس پر سجدہ کرنے سے پیشانی دبتی چلی جاتی ہے زمین کی سختی کو نہیں پاتی تو اس پر سجدہ درست نہیں لہذا اس کو بچھانا جائز نہیں اور اگر ایسا نہیں ہے بلکہ پیشانی ٹک جاتی ہے استقرار جبہہ ہوجاتا ہے تو درست ہے۔ (۵) فرائض کے بعد دعا قبول ہوتی ہے اس لئے دعا مانگنی چاہئے تاہم اگر کوئی فرض پڑھ کر دعا کئے بغیر چلا جائے تو فرض نماز جماعت سے پڑھنے کی جو فضیلت ہے وہ حاصل ہوجائے گی لیکن اس کے بعد کی سنت اگر نہیں پڑھتا تو سنت سے محرومی کا گناہ بھی ہوگا۔
واللہ تعالیٰ اعلم
دارالافتاء،
دارالعلوم دیوبند