متعلقہ سوالات

میں ایک آئی ٹی پروفیشنل ہوں اور بطور ڈیٹا بیس ایڈمنسٹریٹر کے کام کرتاہوں۔ اگر میں کسی بینک میں نوکری کروں گا تو میرا کام تمام ڈیٹا اور معلومات کو محفوظ رکھنا ہوگا۔ بینک کے تمام ٹرانز ایکشن(کاروائی) ایک کمپیوٹر میں جمع ہوتے ہیں اور مجھے کمپیوٹر میں اس ڈیٹا کی دیکھ بھال کرنی ہوتی ہے اور اگر کوئی شخص اس ڈیٹا کو دیکھنا چاہتا ہے تو اس کودیکھنے کے قابل بنانا ہوتا ہے۔ بینک کے ذریعہ سے لین دین اور کاروائی یا اس سے مشابہ کوئی اور معاملہ میں میں کسی بھی طرح سے شامل نہیں ہوتا ہوں۔یہ بات ذہن میں رکھتے ہوئے کہ اگر اس وقت میرے پاس کوئی اور نوکری نہیں ہے تو کیا میرے لیے یہ نوکری جائز ہے؟

میں ایک انشورنس کمپنی میں کام کرتاہوں اور لوگوں کو اس کمپنی میں اپنا پیسہ سرمایہ کاری کرنے کا مشورہ دیتا ہوں۔ کمپنی یہ پیسہ جو کہ لوگ سرمایہ کاری کرتے ہیں اس کو مختلف قسم کے سیکٹر میں سرمایہ کاری کرتی ہے جیسے آئی ٹی، انفراسٹرکچر، بینکنگ وغیرہ۔ کمپنی ان کی رقم کو ایک خاص مدت میں یعنی دس سال، پندرہ سال اور بیس سال میں واپس کرتی ہے اور اس چھوٹی رقم کے بدلے میں بڑی رقم عطا کرتی ہے۔ (۱)میرا ایک بھائی کمیشن کی بنیاد پر انشورنس کمپنی میں کام کررہا ہے ۔ اورمیں ایک انشورنس کمپنی میں تنخواہ پرکام کررہا ہوں۔ اس لیے ہمیں بتائیں کہ یہ آمدنی جائز ہے یا حرام؟ اورکون درست ہے اورکون غلط؟ (۲)اور اس طرح کی کمپنیوں میں سرمایہ کاری کرنا حلال ہے یا حرام؟

میرے ایک دوست نے مجھ کو ایک شخص کے ساتھ کاروبار کرنے کے لیے کہا جن سے میرے دوست کا اچھی طرح سے تعارف ہے۔ میں نے اس کو کچھ پیسہ دیا اس وعدہ کے ساتھ کہ ایک سال کے بعد کچھ منافع ہوگا۔ ایک سال کے بعد اس نے میرا پورا پیسہ واپس کردیا کچھ منافع کے ساتھ۔ کیا میرے لیے اس زائد رقم کا لینا جائز ہے؟ دوسرا سوال یہ ہے کہ میرے ایک دوست نے مجھ سے کچھ رقم ادھار لی اور اس نے میرا پیسہ کچھ زائد رقم کے ساتھ واپس کردیا جیسا کہ اس نے پسند کیا۔ میں نے اس سے کسی متعین رقم کے لیے نہیں کہاتھا۔ اس کے بارے میں اسلامی حکم کیا ہے؟