معاملات - سود و انشورنس

India

سوال # 166868

زید ایک سودی بینک کا ملازم ہے زید کا کام آفس کے کام کی نگرانی ہے یعنی وہ عملہ جو بینک میں کام کر رہا ہے اس کی نگرانی کہ آفس میں کا ہو رہا ہے یا نہیں زید کا اصل کام تو یہی ہے البتہ کبھی کچھ سودی لین دین پر مشتمل کاغذات پڑھنے کی نوبت آجاتی ہے لیکن دستخط وغیرہ اس میں بھی نہیں کرنا ہوتا ہے لیکن یہ صورت شاید وباید پیش آتی ورنہ ورنہ اصل کام وہی ہے جو اوپر مذکور ہوا از راہ کرم جواب عنایت فرمائیں۔

Published on: Nov 22, 2018

جواب # 166868

بسم الله الرحمن الرحيم


Fatwa : 360-266/B=3/1440



صورت مسئولہ میں اگر واقعی زید کی ملازمت صرف نگرانی پر مشتمل ہے اور ا س کا سود لکھنے، دستخط کرنے نیز دیگر سودی معاملات میں کسی قسم کی شرکت نہیں ہوتی ہے، تو ایسی ملازمت کرنے کی شرعاً گنجائش ہے، ورنہ جائز نہیں۔ عن جابر قال: لعن رسول اللہ صلی اللہ علیہ وسلم آکل الرباء وموٴکلہ وکاتبہ وشاہدیہ وقال: ہم سواء ۔ مسلم: ۲/۲۷، کتاب المساقات ، باب لعن اکل الرباء الخ ط: قدیمی (اتحاد دیوبند)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات