عقائد و ایمانیات >> بدعات و رسوم
سوال نمبر: 149158
جواب نمبر: 149158
بسم الله الرحمن الرحيم
Fatwa: 506-464/sd=6/1438
(۱) عروسی لباس اور مکمل زینت کے ساتھ اسٹیج پر بیٹھنے کی تو گنجائش ہے، ؛ لیکن تصویرسازی اور غیر محرم کے ساتھ اختلاط گناہ کبیرہ ہے، اس سلسلے میں شرعا کسی کی رعایت کی گنجائش نہیں ہے ، بس صورت مسئولہ میں دلہن کو تصویر اور غیر محرم کے ساتھ اختلاط سے صاف انکار کر دینا چاہیے، ورنہ وہ بھی گنگار ہوگی۔ شادی میں سادگی ملحوظ رکھنی چاہیے ، زیب و زینت کی ایک حد تک تو اجازت ہے؛ لیکن حد سے تجاوز کرنا ، اپنی حیثیت سے زیادہ کا التزام کرنا، اسراف اور فضول خرچی سے کام لینا، شریعت کی رو سے ناجائز ہے، آج کل شادیوں میں عموما ہر چیز میں حد سے تجاوز کیا جاتا ہے، اسراف اور فضول خرچی جب تک نہ ہو، شادی مکمل نہیں سمجھی جاتی، حالانکہ حدیث میں ہے کہ سب سے زیادہ برکت والا نکاح وہ ہے، جس میں کم سے کم خرچ ہو ۔
(۲) عورت کے لیے نقلی پلکیں لگوانا کسی بھی نیت سے جائز نہیں ہے۔
(۳) جی بنا سکتی ہے۔
نوٹ: دلہن کا ایسے طور پر بیٹھنا کہ نیم مخلوط انداز نشست ہونے کی وجہ سے دلہن پر غیرمحرم لوگوں کی نظر یں پڑیں خواہ نظریں دزدیدہ ہی کیوں نہ ہوں جائز نہیں۔
واللہ تعالیٰ اعلم
دارالافتاء،
دارالعلوم دیوبند